Venezuela lancon kriptomonedhën e saj: Një Petro për një fuçi nafte

Nicolas Maduro e kishte paralajmëruar me një njoftim dhe tani kalon nga fjalë në vepra: Venezuela sot lancon kriptmonedhën e tij, Petro, është një monedhë dixhitale e garantuar nga nafta që në fakt është një instrument i regjimit Chavista në përpjekje për të anashkaluar sanksionet perëndimore. Transaksioni përfshin lëshimin e njëqind milionë petro-token, secila e garantuar me një fuçi naftë të pa rafinuar, për një vlerë totale që në vlerësimet e Qeverisë së Karakas do të jetë 6 miliardë dollarë.
 
Por nuk mungojnë dyshime në lidhje me operacionin, duke filluar nga mbulimi aktual i papërpunuar, i cili nuk do të jetë i mjaftueshëm për të siguruar lëshimin e Petro-s: bëhet fjalë në fakt për naftë që ende nuk është nxjerrë nga pusi Ayacucho 1 edhe në Orinoco, dhe për më tepër nuk ka plotësisht disponueshmëri të Caracas, duke qënë se nxirret nga një joint venture. Opozita ka kundërshtuar fuqishëm përdorimin e naftës për të mbuluar borxhin e vendit. Thesari amerikan gjithashtu e ka bërë të qartë se çdo blerje e Petro do të konsiderohet si një shkelje e sanksioneve të vendosura nga Shtetet e Bashkuara dhe Evropa.

Operacioni në detaje

Petro-së do t’i vendoset që sot vlera e një fuçie të papërpunuar, ose e barabartë me 60,40 dollarë bazuar në mesataren e çmimit të aksioneve të javës së kaluar për një total prej vetëm gjashtë miliardë. Operacioni  duhet të kryhet në dy këste, sipas dokumenteve të prezantuara: një private placement prej 38,4 milion njësi me vlerë nominale prej 2.3 miliardë dollarë  që do të vendosen me një skonto deri në 60% dhe 44 miliona monedhave të tjera të ofruara për publikun. Kuota e mbetur do të qëndrojë në duart e Qeverisë.
Vlera totale do të jetë më e ulët se gjashtë miliardët e dëshiruar nga Caracas, nga momenti që të njëjtët konsulentë qeveritarë për operacionin kanë qënë skeptikë në lidhje me vlerën nominale të monedhës.
 

Manovrimi kundër sanksioneve

Synimi i monedhave është të përdoren për të shmangur sanksionet duke u lejuar kompanive të mos përdorin valutë të huaj dhe mund të përdoren për të paguar taksat. Nuk mund të blihen në bolivar, monedha venezueliane vlera e të cilave vazhdon të përkeqësohet nën goditjet e hiperinflacionit të trefishtë dhe kriza ekonomike që po kalon vendi i Amerikës së Jugut.

Në të vërtetë, operacioni do të përdoret për të mbledhur valutë të fortë për të mbuluar borxhin e Venezuelës: izolimi ekonomik që krijojë regjimi Maduro, trashëgimtar i Hugo Chavez, bllokon mundësinë e financimit në tregjet ndërkombëtare dhe largon shitjet e naftës, pasuria e vërtetë kombëtare. Prandaj bëhet fjalë për një lëvizje nga dëshpërimi nga ana e  Caracas.
Për këtë arsye, një muaj më parë, Thesari amerikan e bëri të qartë se investimi në Petro do të përfaqësonte “një zgjerim të kredisë” në vend, duke shkelur kështu sanksionet perëndimore dhe duke i ekspozuar “autorët ndaj rreziqeve ligjore”.
 

Edhe Moska gjithashtu është duke u menduar

Ekzistojnë edhe dyshime se në të vërtetë bëhet fjalë për një kriptomonedhë. Deputeti venezuelian Jorge Millan e quajti atë “një shitje forward i naftës kombëtare“. Sipas dokumenteve të prezantimit, monedha do të jetë një token që do të përdorë Blockchain Ethereum, kriptomonedha e  dytë për nga kapitalizimi. Ndryshe nga Bitcoins, Petro nuk do të krijohet me kalimin e kohës, por do të emetohen të gjitha përnjëherë, duke i bërë ato të duken si një kriptomonedhë tjetër, Ripple.
Lexo edhe: Çfarë është Tether; Spektri Tether mbyte bitcoin
Shembulli i Venezuelës së shpejti do të pasohet nga Moska, e cila njoftoi se po studion një projekt të kriptomonedhave, një kripto-rublo që do të përdoret për të anashkaluar sanksionet perëndimore. Por Vladimir Putin ende nuk ka dhënë një afat kohor.