Sot vjen Ad Blocker intelligence nga Google Chrome: ja si do të funksionojë

Pas pak orësh Google Chrome do të pajiset me funksionalitetin ad-blocker: filtri është në gjendje të bllokojë reklamat që nuk i përmbushin standardet, në mënyrë që t’u garantojë përdoruesve një navigim në internet korrekt në desktop dhe celular
Funksionimi i ri i bllokuesit të reklamave (ad blocker) të Google Chrome do të aktivizohet në më pak se 10 orë, i dizajnuar për të bllokuar reklama të bezdisshme në pajisjet desktop dhe mobile që nuk lejojnë navigimin e duhur në ueb. Në veçanti, Google vetëm do të errësojë reklamat që nuk i plotësojnë standardet e vendosura nga fondacioni Better Ads, duke ndihmuar pronarët e faqeve të internetit që të përshtatin anën grafikë dhe përmbajtjet.
Do të vihen në shënjestër reklamat me audio, pop-up me faqe të plota, video me riprodhim automatik, reklamat me kohë pritje, të gjitha të raportuara në muajt e fundit nga më shumë se 40,000 përdorues që morën pjesë në sondazhin e kryer nga kompania.

Faqet e internetit do të klasifikohen në tri lloje: pass (miratimi), warning (që përmbajnë reklama që nuk respektojnë direktivat), fail (të dështuar). Google do të paralajmërojë menaxherët se mund të konsultojnë vlerësimet duke përdorur një API të Chrome dhe të lidhen me standardet brenda 30 ditëve, pas së cilës filtri i ad blocker i Chrome do të fillojë të errësojë reklamën. Përdoruesit natyrisht do t’i lejohet, si në desktop ashtu edhe në pajisje, të çaktivizojnë filtrin e reklamave në çdo kohë dhe vetëm në disa faqe specifike.
Google ka deklaruar se qëllimi nuk është të bllokojë plotësisht reklamat, duke krijuar vështirësi për operatorët e faqes, por për të përmirësuar përvojën e navigimit në internet për të gjithë. Tashmë 42% e faqeve në internet  të kontaktuara në muajt e fundit nga kompania kanë zgjidhur problemet e tyre në mënyrë që të përmbushë rregullat e vendosura nga Betterd Ads.
 
“Ne jemi të inkurajuar nga këto rezultate të para – tha Chris Bentzel, Drejtor Teknik i Chrome – që tregojnë se sektori ka çdo qëllim të zvogëlojë përvojat e pakëndshme me reklamat. Ne shikojmë drejt një të ardhme ku, falë një bashkëpunimi të ngushtë midis forcave të ndryshme, teknologjia e filtrimit të reklamave të Chrome nuk do të jetë më e nevojshme “.
Lexo edhe: Një marrëdhënie në 3 lind në internet dhe aplikacionet e takimeve janë me vlerë 4.6 miliardë