Skydio, droni revolucionar që fluturon vetëm dhe regjistron në 4K: videoja është e frikshme

Skydio paraqiti R1, një dron revolucionar që mund të fluturojë krejtësisht vetëm përmes inteligjencës artificiale. Ai të ndjek ndërkohë që vraponi apo jeni duke i dhënë  biçikletës, duke shmangur në mënyrë të përkryer pengesat. Teknologji e nivelit më të lartë, ashtu si edhe çmimi

Dje në një ngjarje të dedikuar afër San Franciskos, kompania kaliforniane Skydio prezantoi produktin e saj të parë, dronin R1. Pas më shumë se katër vitesh studimi dhe dizajni është e mundur të blihet quadricopter i parë i aftë për fluturim tërësisht autonom, aq shumë sa shitet edhe pa kontrollues apo telekomandë. Të gjitha ato që ju nevojiten janë aplikacioni mbështetës për aktivizimin e fluturimit që lejon që të njohë një person ose një objekt dhe R1 fillon ta ndjekë atë në mënyrë perfekte, duke regjistruar imazhe sugjestive me rezolucion deri në 4K.

Është e mundur të zgjidhet deri në 2160p si pamje e videos së prezantimit, e bërë me një ide interesante: një R1 ndjek gjimnastin në park dhe një R1 e dytë na tregon nga një distancë e shkurtër se si fluturon binjaku i tij. Ju gjithashtu mund të shikoni dy xhirimet në mënyrë spekulative në këtë video tjetër.
Performancat e jashtëzakonshme të bëra nga Skydio janë të mundshme në sajë të 13 kamerave në bord që krijojnë një hartë në kohë reale të mjedisit rrethues. Zemra e gjithçkaje është një mikrokompjuter Nvidia Jetson TX1 – i njëjti i përdorur në aplikacionet për dhënien e makinës në mënyre autonome – që mbledh këto të dhëna dhe përpunon një rrugë të sigurt duke njohur pengesat dhe duke i shmangur ato në një mënyrë të përsosur.
Ekipi i Zhvillimit R1 përfshin 60 punonjës, disa prej të cilëve janë ish studiues të MIT ose të projekteve të Google-it, si p.sh ky dron për të bërë dergesa autonome Project Wing. Ky background i rëndësishëm i burimeve njerëzore dhe e gjithë teknologjisë në bord, kanë një çmim, sigurisht jo ndër më të njohurit në treg deri tani 2,499 dollarë. Një kosto sigurisht premium, por mbi të gjitha më e lartë se produktet e tjera gjysmë-profesionale me performancë të nivelit të lartë, edhe nëse nuk janë në gjendje të fluturojnë në mënyrë të tillë autonome.

Një avantazh i rëndësishëm konkurrues për Skydio R1 është thjeshtësia e perdorimit. Thjesht nxirreni nga kutia, ndizni dhe aktivizoni fluturimin me anë të aplikacionit, nuk është e nevojshme njohja e kontrolleve të një shume-elike ose kurs pilotimi. Kjo mund të tërheqë shumë tifozë të sporteve në natyrë që janë më shumë ose më pak ekstreme, të etur për të krijuar video spektakolare, por deri tani të frenuara për vështirësitë teknike. Nuk është rastësi që në faqen e internetit të Skydio-s ka video të shumta me protagonistët e sportit të të gjitha llojeve. Aktualisht, dërgesat janë planifikuar për Shtetet e Bashkuara dhe Kanada, por shitjet priten edhe në Evropë në një të ardhmen të afërt.
Lexo edhe: Islanda parajsa e kriptomonedhave