Si ndikon moti në blerje dhe si ta përdorim atë në fushatat e marketingut
Kur zhvillojmë fushatat e marketingut, duhet të marrim parasysh se si moti ndikon në blerjet dhe preferencat: ja disa raste studimi.
Cili është ndikimi i kushteve të motit ndaj konsumatorit?
Dihet se në verë të gjithë ne blejmë më shumë akullore dhe në dimër, në vend të kësaj, më shumë çadra; në realitet, megjithatë, nxehtësia, i ftohti, shiu ose dielli mund të kenë një ndikim më vendimtar në qeniet njerëzore: në fakt, pjesërisht shoqëritë organizohen sipas kushteve atmosferike të rajoneve të ndryshme, sepse ato ndikojnë në konsumimin e ushqimit, në nevojat për energji, për mënyrën e të veshurit, si dhe mbi praktikat socio-kulturore të çdo populli.
Pra, kushtet e motit ndikojnë tek konsumatorët, prandaj është thelbësore për ata që janë të përfshirë në komunikim dhe marketing të analizojnë dhe të marrin në konsideratë se si moti ndikon në blerjet, preferencat dhe sjelljen e individëve.
Ekspozimi ndaj drites solare: si sillet konsumatori?
Për të analizuar se si moti ndikon në blerje, disa studime kanë hetuar ndikimin e ekspozimit ndaj rrezeve të diellit tek konsumatorët. Ky ekspozim mund të zvogëlojë ndjenjat negative të individëve në sajë të rritjes së niveleve të serotoninës neurotransmetuese, siç u studiua nga Lambert dhe bashkëpunëtorët e tij dhe u thellua në esenë “Efekti i dritës së diellit dhe sezoni në qarkullimin e serotoninës në tru“.
Temperatura, lagështia, dëbora dhe sidomos rrezet e diellit mund të ndikojnë në rritjen apo uljen e shitjeve në këtë sektor, siç dëshmohet nga hulumtimi i Kyle B. Murray dhe kolegët e tij. Eksperimentet e tyre kanë treguar se ekspozimi ndaj rrezeve të diellit kanë një efekt pozitiv në disponibilitetin e individëve dhe në gatishmërinë për të paguar për produktet, ndërkohë që ulja e ndjenjave negative të konsumatorit lidhet me një rritje të shpenzimeve.
Studimi zbuloi gjithashtu se ky efekt u shfaq jo vetëm si rezultat i ekspozimit të diellit, por edhe nga drita solare artificiale (drita që simulon, në fakt, dritën e diellit). Sipas autorëve, ekspozimi ndaj rrezeve të diellit brenda një dyqani mund të ketë një ndikim pozitiv në blerje dhe rrjedhimisht pikat e shitjes me dritare ose qelq e bëjnë të mundur depërtimin e rrezeve të diellit. Ata që nuk i kanë të tilla muret e një dyqani përdorin dritë artificiale që është shumë e ngjashme me dritën solare – ato mund të çojnë në zvogëlimin e ndjenjave negative të konsumatorëve dhe, për rrjedhojë, të rrisin prirjen e tyre për të blerë. Shembull janë qëndrat tregtare të cilat e kanë aplikuar këtë lloj metode në dizejnimin e tyre.
Përveç kësaj, sipas Edwards dhe Torcellini, rrezet e diellit mund të kenë përfitime të mëdha edhe për punonjësit, vecanërisht nëse bëhet fjalë për anëtarët e stafit që kanë kontakt me klientët, kjo gjithashtu mund të ndikojë në përcjelljen e pozitivitetit tek të dyja palët.
Si ndikon moti në preferencat dhe blerjet e konsumatorëve (për shtëpi dhe makina)
Rritja e kërkesës për kategori të caktuara të produktit në sezone specifike të vitit (të ngrohta ose më të ftohta) është mjaft e parashikueshme në sektorë të tillë si ushqimi, farmaceutika dhe veshmbathja: për shembull ne hamë më shumë akullore në verë dhe blejmë rroba të ngrohta dhe ilaçe më shumë në dimër.
Po në lidhje me produktet sic është blerja e shtëpive apo makinave? Deri në çfarë mase mund të ndikojë moti në çmimin që konsumatorët janë të gatshëm të paguajnë për një të mirë që do të përdoret në afat të gjatë dhe pa marrë parasysh kushtet e motit?
Një hulumtim i botuar në Zyrën Kombëtare të Kërkimeve Ekonomike dhe të kryer nga Meghan R. Busse dhe bashkëpunëtorët e tyre zbuloi se si vendimet e blerjes së një shtëpie apo makine janë të kushtëzuara fuqimisht nga moti në kohën e blerjes. Busse dhe kolegët, në fakt, i referohen ndikimit të të ashtuquajturës “projection bias”mbi preferencat e blerësve, duke shpjeguar se ky shtrembërim njohës i bën individët të besojnë se shijet apo preferencat e tyre do të mbeten të pandryshuara me kalimin e kohës.
Si rezultat, individët kanë tendencë të mbivlerësojnë vlerën e një shtëpie me një pishinë dhe një makinë të konvertueshme kur është periudha e nxehtë dhe mbivlerëson një makine 4×4 (makina të dobishme për t’u përballur me kushtet e pafavorshme të motit) kur është periudhë më e ftohtë. Hulumtuesit studiuan të dhëna mbi më shumë se 40 milionë blerje makinash në Shtetet e Bashkuara dhe raportuan një rritje prej 3% në blerjet për makinat e zbuluara gjatë pranverës në krahasim me dimrin, ndërsa vëllimi i shitjeve për makinat 4 × 4 u rrit gjatë periudhës së dimrit. Ky ndryshim nuk ndodhi në Miami, megjithatë, ku temperaturat kurrë nuk bien shumë gjatë gjithë vitit.
Autorët e hulumtimit, pastaj, analizuan të dhënat për 4 milion shtëpi të blera midis viteve 1998 dhe 2008, duke konkluduar se shtëpitë me pishinën e shitur gjatë muajve të verës ishin shitur me një çmim më të lartë (0.4%) krahasuar me të njëjtën shtëpi të blerë në dimër.Duke marrë parasysh vlerën e shtëpive të analizuara, kjo përqindje përfaqësonte një dallim mesatar prej rreth 1600 dollarë më shumë në çmimin e të njëjtës shtëpi në verë sesa në dimër.
Si ndryshon publiciteti në bazë të ndryshimit të motit: disa shembuj
Moti është një element që mund të merret lehtësisht në konsideratë në fushatat e marketingut, sepse është një faktor që ndikon në jetën e përditshme të të gjithë banorëve të planetit.Për këtë arsye, në Londër, McDonald’s krijoi një fushatë specifike në natyrë në prill 2018, e cila parashikoi se gjatë pesë ditëve parashikimet e motit duhet të paraqiten në kohë reale në një mënyrë pak më të ndryshme se zakonisht, pra përmes simboleve të krijuara me produkte të ndryshme të kësaj marke.
Për shembull, një hamburger u përdor për të përfaqësuar diellin dhe patate të skuqura për të përfaqësuar shiun. Ideja ishte gjithashtu të luante në paparashikueshmërinë e motit gjatë muajit prill dhe për këtë u krijuan tetë simbole të ndryshme për të përfaqësuar kushtet atmosferikë të mundshëm.
Marka IKEA ka vendosur të luajë me paparashikueshmërinë e klimës britanike, duke u bërë thirrje konsumatorëve që të shfrytëzojnë sa më shumë hapësirat e tyre në natyrë, pavarësisht nga kushtet atmosferike. Në një nga fushatat e nisura në Britani për të promovuar artikujt e kopshtit, për shembull, ishte e mundur të lexonim: “Ky parashikim ishte i saktë në kohën e shtypit, por mos harroni se ne jemi në Britani”. (Në Britani moti nuk është i qëndrueshëm dhe kryesisht është me vranësira). Sidoqoftë, në vitin 2016, marka vendosi një çmim të ndryshëm për cadra në varësi të motit dhe prandaj gjatë ditëve të diellit ata kushtonin 4.99 dollarë, ndërsa çmimi ra në $ 2.50 në ditët me shi . Më shumë se një strategji çmimi, ishte një mënyrë për të krijuar angazhim dhe për të krijuar biseda rreth markës.
Në rastin e markave të veshjeve, krijimi i një fushate të bazuar në blerjen e rrobave të ndryshme sipas sezonit është shumë e shpeshtë, por është gjithashtu e mundur në këtë rast të zhvillohet një komunikim mjaft origjinal me ndryshimin e motit. Në sektorin e shitjes me pakicë të veshje, për shembull, një studim interesant është ai i markës La Redoutte që krijoi së bashku me JCDecaux “Live Weather Billboard“ në të cilin paraqitet një model, veshje e të cilit ndryshon sipas kushteve të motit të ditës dhe vendit ku është vendosur.
Megjithatë, si mund ta shfrytëzojë një markë që prodhon shampo ndryshimin e kushteve të motit dhe të krijojë publicitete që ndikojnë tek konsumatorët?
Partneriteti midis P & G, The Weather Channel dhe Walgreens ka krijuar një fushatë shumë të suksesshme për markën Pantene: “The Pantene haircast”, dmth. Parashikimi mbi statusin e flokëve (pavarësisht nga moti).
Marka ka analizuar efektet e shkaktuara nga kushtet si lagështia, ditët me shi, ditët me diell mbi flokët e konsumatorëve dhe në bazë të këtyre filloi një fushatë të orientuar nga gjeo-targetimi, duke ofruar në këtë mënyrë këshilla të personalizuara për flokët e grave të bazuara në ndryshimin e motit. Ideja ishte të sugjeronte një produkt të ndryshëm Pantene për të zgjidhur lloje të ndryshme të problemeve të flokëve të shkaktuara nga kushtet atmosferike. Fushata ishte një sukses i madh, duke çuar në një rritje të angazhimit dhe të shitjeve në kategorinë e produkteve të flokëve.
Është e pamundur të injorosh faktin sesi moti ndikon në blerjet. Siç shpjegohet në videon e përmbledhjes së fushatës Pantene, megjithatë, një ditë me shi mund të ndikojë në gjendjen e flokëve dhe, rrjedhimisht në humor, në besimin dhe emocionet e konsumatorëve, në këtë rast gjëndja emocionale e grave, e cila kishte qënë target-grupi kryesor nga fushata publicitare. Të diturit se si t’i shfrytëzosh pozitivisht këto ndryshime të motit në fushatat tuaja publicitare do t’iu bëjë të dalloni nga të tjerët dhe të mbani klientët tuaj duke krijuar përvoja të rendësishme dhe të personalizuara.
LEXO EDHE: Muzika dhe neuromarketing-u: ndikimi i tingujve muzikorë në reklamat online