Sa vlen brand-i CR7 i Cristiano Ronaldo

Cristiano Ronaldo, 33 vjec, njc veteran nga e pesta Champions League e fituar me Real Madridin në finalen e Kievit kundër Liverpool, është njeriu më i folur i momentit: thashethemet me origjinë iberike thonë se ai do të pranonte një transferim të mundshëm në Juventus, dhe tani topi do të kalonte në kompaninë e Florentino Pérez, i cili duhet të vendosë nëse do të pranojë milionat – nga 100 në 130, shifër kjo e ofruar nga skuadra e Torinos.

Sa kushton ekonomikisht CR7? Në mesin e pagave dhe shpërblimeve, në 2017 asi portugez ka patur të ardhura bruto prej 61 milionë dollarë, përveç të ardhurave nga sponsorët, që vlerësohen të jenë 47 milion dollarë: numri i përgjithshëm ka arritur shifrën tronditëse prej 108 milion dollarë. Vetëm kontrata ndërmjet kapitenit të Portugalisë me brand e Nike është me vlerë mbi 1 miliard dollarë, pa llogaritur kontratat e nënshkruara me Herbalife, EA Sports dhe American Tourister. Më pas është marka e tij personale e rrobave, CR7, e cila prodhon këpucë, mbathje, parfume dhe xhinse dhe linjën e tij të hoteleve luksoze Pestana CR7. Kohët e fundit, Christian ka një partneritet me parqet spanjolle Gramado Parks dhe markën e çokollatës Lugano: Qëllimi është për të hapur një zinxhir restorantesh në Brazil, Dona Dolores (nga emri i nënës së kampionit).
LEXO EDHE:Ja sa parà luhen në sektori ekonomik të Kampionatit Botëror në Rusi
Në kohën e transferimit të tij në Real Madrid nga ekipi i tij i mëparshëm, Manchester United, në vitin 2009, transferimi prej 94 milionë eurosh ishte më i shtrenjti në historinë e futbollit. Gjatë karrierës së tij, sipas të dhënave të hartuara nga Forbes, CR7 ka patur të ardhura bruto prej 61 milionë dollarë për vetëm performancën e saj sportive, dhe kontrata e tij aktuale me Real Madridin do të japë më shumë se 50 milion deri në 2021. Ronaldo – i cili gjithashtu mbetet lojtari më i njohur në mediat sociale, ku ka një total prej 322 milion follower të ndarë midis Facebook, Twitter dhe Instagram – por që gjithsesi duket i vendosur për t’u larguar, do të shohim nëse destinacioni i tij i ardhshëm do të jetë vërtetë Italia, apo nëse titujt e këtyre orëve të fundit do të mbeten vetëm spekulimet e verës.