ROI dhe KPI çfarë janë dhe për çfarë shërbejnë
Faza përfundimtare e një fushate reklamuese parashikon buxhetin e efektivitetit të vetë fushatës. Në veçanti, i referohemi ROI (return on investments), që është indeksi i përfitimit të kapitalit të investuar.
Me fjalë të tjera, ajo është llogaritja e fitimit në lidhje me shpenzimet e investuar: fitohet duke pjesëtuar rezultatin operativ (marzhi pa zhvlerësim dhe dispozita) për kapitalin operativ të investuar. Shumë shpesh kjo e dhënë shprehet në përqindje, duke shprehur sa një operacion tregtar na ka ërë të fitojmë.
Problemi është se një shitje (dhe rrjedhimisht një fitim) nuk lidhet asnjëherë me pasojat e një fushate reklamuese, sepse në çdo blerje mund të ketë shumë faktorë që bëhen shkaktarë; kjo nënkupton pamundësinë për të vendosur me saktësi të madhe përqindjen e rritjes falë veprimit të fuhsatës së reklamave. Në këtë i shtohet fakti se fushatat sjellin rezultate jo vetëm në një periudhë afatshkurtër, por edhe gjatë një periudhe më të gjatë.
Pra, Roi është një tregues që duhet të vlerësohet gjithmonë me një farë kujdesi dhe kjo është e domosdoshme, në mënyrë që të korrigjojë pasigurinë e dukshme të saj, të përcaktohen akoma përpara fillimit të fushatës parametrat e vlerësimit që duhet të jenë të qarta, të dallueshme dhe të ndikuara sa më pak nga faktorë të jashtëm të fushatës . Kjo është më e lehtë, për shembull, me reklamim online, ku ekzistojnë parametra (klikimet, vizitat, veprimet, etj.) më precize për t’u matur.
Në përgjithësi, kriteret e vendosura para fillimit të fushatës përcaktojnë KPI-të, ose e thënë ndryshe treguesit kryesorë të performancës që japin idenë sasiore të suksesit të një operacioni tregtar. Nuk është e mundur të përcaktohet KPI më i mirë, as të tregohet një listë e plotë: zgjedhja e KPI-ve varet nga objektivat e biznesit dhe marketingut të secilës kompani. Gjëja e rëndësishme është se zgjedhja e këtyre parametrave duhet të jetë definuar qartë, dhe të jenë të paktë në numër (ndërsa ato rriten, rëndësia e secilit bëhet më e vogël) dhe të përsëritura (dmth të matshme në distanca kohore të rregullta). Edhe njëherë është më e lehtë të identifikohen KPI-të në bizneset online, siç janë kontaktet që arrihen nëpërmjet një website, shitjet e bëra nga një platformë e-commerce etj; edhe në mjetet offline dhe ato më tradicionale, mund të merren parasysh rritjen e shitjeve në një periudhë të caktuar, apo efektet në lift të një brand-i dhe kështu me radhë.
Vlera reale e KPI-ve qëndron në aftësinë për të përfaqësuar situatën reale, për të përmbledhur në një vlerë numerike efektivitetin e përgjithshëm të një veprimi. Duke pasur këto të dhëna ndihmon për të kuptuar nëse iniciativa e reklamave është duke shkuar në drejtimin e duhur dhe kshu mund të na çojë në arritjen e objektivave të përcaktuara nga kompania klient.