Blog

Dështimi është thjesht aftësia për të filluar përsëri në mënyrë të zgjuar, “tha  Henry Ford, një nga themeluesit e kompanisë Ford Motor, i cili  përjetoi një dështim përpara suksesit, për të mësuar nga ai dështim.
Mund të mësosh shumë nga gabimet e markave që sot kanë bërë histori suksesi. Dhe një prej tyre është Google, sepse ka zhvilluar një strategji të vërtetë mësimi bazuar në analizën e gabimeve si një formë të optimizmit të vazhdueshëm të biznesit, falë të ashtuquajturës kulturë post- mortem.

Çfarë është dhe si mund të aplikohet në kompani të tjera?

GOOGLE DHE POST-MORTEM: duke gabuar mësohet

Vendimi për të investuar në inovacion dhe zbatimi i teknologjive të reja  të cilat mund të sjellin përfitime të mëdha për kompanitë  shpesh mbahen nga frika e dështimit. Megjithatë siç është shprehur Luca Vescovi, drejtoreshë ekzekutive e Neuro Web Design:
gabimet e markave në të vërtetë mund të jenë një burim i dobishëm i të mësuarit, por për ta bërë këtë, është e përshtatshme të vihet në praktikë një punë metodike, bazuar në kritere të paracaktuara, në mënyrë që të arrihet përmirësime reale dhe të shmangen aksidentet e reja në të ardhmen.
Pra, cila është strategjia e miratuar nga një kompani si Google për të mësuar nga falimentimi?
Sipas një dokumenti të lëshuar nga marka, gjithçka bazohet në filozofinë post-mortem që mund të jetë shumë e dobishme në organizata, pasi që gabimet që nuk kontrollohen dhe akumulohen me kalimin e kohës mund të bëhen probleme që janë vështirë të kapërcehen.
Pikërisht për këtë arsye Google ka një proces formal të të mësuarit që i lejon kompanisë të mësojë nga gabimet e bëra dhe që konsiston në krijimin e asaj që është definuar post-mortem. Regjistra të incidenteve në të cilat shpjegohet ndikimi i tij dhe veprimet e zbatuara për të zgjidhur problemin. Në këto dokumente u bënë gjithashtu të njohura shkaqet që çuan në gabim dhe çdo veprim të ndërmarrë më pas për të parandaluar që gabimi të ndodhte përsëri në të ardhmen.
Megjithatë, jo të gjitha gabimet kërkojnë krijimin e një post-mortem dhe për këtë arsye Google krijon kritere specifike për të identifikuar incidentet që kërkojnë një vëmendje të vecantë .Meqenëse këto janë dokumente që kërkojnë kohë, është e rëndësishme të përcaktoni me kujdes situatat në të cilat këto mund të jenë në të vërtetë të dobishme:
një shembull është një gabim që ka rezultuar në pamundësinë për të shfaqur rezultatet e kërkimit për fjalën “Shakespeare”, për 66 minuta, brenda motorrit të kërkimit.
Si pasojë e kësaj, rreth një miliard kërkime nuk janë përgjigjur në një ditë kur zbulimi i një soneti të ri nga poeti ka rritur në masë të madhe trafikun lidhur me fjalen në fjalë.
Google ka vënë në dispozicion të përdoruesve një shembull të post-mortem pas këtij incidenti. Pasi është identifikuar nevoja për të përpunuar një nga këto dokumente për një situatë të caktuar, ekipi i përfshirë punon në post-mortem duke u përpjekur të reflektojë mbi gabimin e gjetur. Kjo punë, pavarësisht se është shumë impenjative, realizohet për çdo problem që konsiderohet i rëndësishëm (në bazë të kritereve të paracaktuara) dhe që duhet të shmanget në të ardhmen, duke identifikuar dhe analizuar shkaqet në themel të aksidentit në mënyrë konstruktive dhe pa “vënë gishtin në asnjë person apo ekip të përfshirë »
Në fakt, kultura post-mortem që Google kërkon të promovojë brenda kompanisë  një filozofi  të të mësuarit që analizon problemet që lidhen me funksionimin e shërbimit të ofruar nga motori i kërkimit, pa u ndalur në ndonjë “fajtor”.
Siç mund ta lexoni në artikullin e Google, “ndërsa ekipi ynë përdor post-mortem për të zgjidhur problemet inxhinierike, çdo organizatë – si teknologjike dhe jo-teknologjike – mund të përfitojë nga këto dokumente si një mjet analizash kritike, pas një ngjarjeje, krize apo nisjeje “.
Gjigandi teknologjik, pra, flet për post-mortem në një mënyrë më të gjerë, si një filozofi që mund dhe duhet të shtrihet në të gjithë kulturën e korporatës.Në bazë të kulturës post-mortem të promovuar nga Google  ka këshilla se si mund të aplikohet në praktikat e biznesit për të përmirësuar proceset e biznesit. Para së gjithash, është e rëndësishme të nxiten punonjësit të japin informacionin e nevojshëm: nuk duhet të kenë frikë nga ndonjë qortim ose ndëshkim, përndryshe ata do të tentojnë të mos japin detajet e nevojshme për të kuptuar se si ka ndodhur problemi, shkaqet, efektet dhe operacionet e vendosura dhe mënyrën e  veprimit për të zgjidhur atë (të gjitha informatat thelbësore për realizimin e një post-mortem).
Pikërisht për këtë arsye ne duhet të përqendrohemi në dialogun e hapur dhe konstruktiv që i bën të gjithë të ndjehen të lirë të flasin për incidentet, një mënyrë për të promovuar transparencën dhe të mësuarit. Për të inkurajuar kulturën post-mortem, këto dokumente janë formuluar në Google Docs, të cilat mund të ndahen lehtësisht brenda kompanisë, midis anëtarëve të ndryshëm dhe ekipeve të përfshira.Pavarësisht nga mjetet e përdorura për përpunimin post-mortem, gjëja e rëndësishme është se ata kanë disa karakteristika, duke përfshirë mundësinë e bashkëpunimit në formulimin e dokumentit përmes shënimeve që mund të shtohen nga bashkëpunëtorët e ndryshëm dhe, nëse është e mundur, me njoftime, në mënyrë që të gjithë të mund të marrin pjesë në mënyrë aktive  dhe në kohë reale.
Përveç kësaj, shkrimi post-mortem nënkupton një fazë rishikimi në të cilën ekipi që krijoi draft dokumentin ia dorëzon një ekipi inxhinierësh të lartë për botim më vonë. Si një formë e nxitjes për të përpunuar këto dokumente, cdo post-mortem zgjidhet çdo muaj që të ndahet në gazetën e brendshëm në mënyrë që të gjithë punonjësit të mund të mësojnë diçka nga kjo. Kompania gjithashtu fton organizatat për të promovuar këtë kulturë në biznesin e tyre duke ofruar një model për realizimin e dokumenteve. Ideja është që të gjenerojë një kulturë të korporatës që tregon për zbulimin e vazhdueshëm të zgjidhjeve të reja dhe alternativa gjithnjë e më të mira.

Gabimet e markës dhe dështimet në histori: nga FORD-i  në ditët e sotme

Nëse Google është një shembull se si ta zbatojmë në mënyrë metodike filozofinë “duke gabuar mëson”, ka shumë episode të tjera të sipërmarrësve dhe personazheve që kanë kryer gabime ose që kanë qenë viktima të incidenteve që mund t’i kenë dhënë fund suksesit në rrugën e tyre.
Për shembull, nuk mund të mos përmendësh një histori suksesi si ajo e Steve Jobs, duke kujtuar se para ndërtimit të perandorisë, Apple, Steve Jobs u shkarkua nga kompania që kishte themeluar: një episod që mund të kishte frenuar sipërmarrësin por në vend të kësaj siç e dimë, ai nuk e bëri atë gjë.
Duke folur për falimentimin, autori i librit “Che sfiga! Historitë e njerëzve që ndryshuan botën, por pastaj diçka shkoi keq “, Micol Arianna Beltramini, ka marrë disa histori të personazheve të famshëm dhe sipërmarrësish të cilët tregojnë në mënyrë komike se ” suksesi në një fushë të caktuar nuk është diçka që bie nga pema ose është e trashëguar nga lindja: ka lodhje dhe shpesh ka pasoja të pakëndshme ». është e nevojshme që ta fusësh në kokë idenë se në cdo fushë në rrugën drejt suksesit nuk është e natyrshme dhe as fitimprurëse të mos dështosh asnjëherë. Dështimi është një mundësi e mrekullueshme për të ecur përpara: ju mbani një ekuilibër, kuptoni se çfarë ka qenë e gabuar dhe përpiquni ta rregulloni atë. Sigurisht që nuk mund të keni gjithmonë entuziazmin e njëzet-vjecarëve, por sa më shumë të ecni përpara aq më shumë fitoni eksperiencë.
Duke folur për moshën, përvojën (dhe shumë këmbëngulje), ne duhet të kthehemi në histori, veçanërisht në vitet ’30, t’i referohemi gabimeve të markës dhe të sjellim një shembull tjetër të njohur, atë të zinxhirit të famshëm të pulave të KFC-së.
Koloneli Harland Sanders, i cili ende mbetet fytyra e markës, e ka realizuar ëndrrën amerikane duke themeluar atë që do të bëhej një famë shumëkombëshe në mbarë botën, por jo pa qenë viktimë e disa aksidenteve.
Në vitin 1930 koloneli mori një stacion benzine në një autostradë qendrore në Corbin, Kentucky, në emër të Shell. Shërbimi i restorantit i bashkangjitur distributorit ishte shumë i suksesshëm, prandaj në vitin 1932 Harland Sanders vendosi të shtonte në menynë e tij “Sanders Court and Cafe”, pjatën e tij të preferuar: pule e skuqur. Në moshën 62 vjeçare dhe me këmbëngulje të madhe, sipërmarrësi vendosi të udhëtonte në të gjithë vendin për të bindur restorantet e tjera që të propozonin recetën e tij.
Por në vitet 50 ndertimi i një autostrade të re coi në ndryshimin e drejtimit të trafikut të lëvizjeve në një zonë tjetër të Korbinit, kështu që restoranti u shit në vitin 1965 dhe Koloneli, i detyruar të paguantë të gjitha borxhet dhe detyrimet u kthye nga një gjëndje e mirë ekonomike në një pikënisje. Për të kursyer para, siç thuhet në faqen e internetit të markës, sipërmarrësi shpesh fjeti në veturë, ndërsa gjatë ditës ai kërkonte për të rekrutuar bashkëpunëtorë të rinj. Angazhimi përfundimisht u shlye, pasi në vitin 1964 restorantet në SHBA dhe Kanada kishin shkuar në 600 dhe ky zinxhir ekonomik u shit në një grup investitorësh për 2 milionë dollarë.
Duke shkuar mbrapa në kohë deri në fillim të viteve 1900, nuk mund të mos përmendim Henry Ford, një personazh i cili krijoi një zinxhir ekonomik duke ulur ndjeshëm koston e prodhimit dhe duke e kthyer atë në një metodë efektive e cila do të miratohej edhe në industri të tjera.
Por, para se metoda e tij të bëhet një model referimi, Fordi duhej të përballej me një rrugë të plotë pengesash. Në moshën 13 vjeçare, sipas arkivave të New York Times, Ford kishte demostruar aftësitë e tij mekanike dhe, edhe pse babai i tij ishte përpjekur ta shkurajonte, duke synuar ta bënte atë të punonte në fermën familjare.  Henry i vogël, në fakt, punoi fshehurazi natën, duke filluar, me disa mjete në dispozicion, për të çmontuar dhe rirregulluar një orë derisa e bëri  të funksiononte. Në moshën 16 vjeçare (1879) ai u largua nga shtëpia e tij në Detroit për të ndjekur ëndrrën e tij, por pastaj u kthye në fermë, ku filloi të punonte në një traktor në kohën e tij të lirë.
Vite më vonë ai arriti të bindë një grup investitorësh për të krijuar Detroit Automobile Company për të ndërtuar makinën e parë.Kompania kishte filluar shitjen e disa prej makinave të dizajnuara sipas modelit origjinal të krijuar nga Ford; megjithatë, ai dështoi dhe marrëveshja me bashkëpunëtorët u ndërpre. Ndërkohë që Henri ishte duke ëndërruar për prodhimin masiv të makinave për t’u shitur në sasi të mëdha dhe me fitime të ulëta, investitorët nuk besonin në mënyrën e tij të konceptimit të prodhimit, sepse makina konsiderohej si mjet luksi dhe konceptohej prodhimi në sasi të vogla dhe me kosto të larta. Megjithë pengesat e shumta dhe dyert e mbyllura përpara se të arrinte qëllimin e tij, Ford përfundimisht filloi me sukses  prodhimin e makinave sipas metodës së tij të prodhimit, gjë që e bëri atë të jetë në listën e njerëzve më të pasur në histori .
Siç është përmendur nga Micol Beltramini, shumë shpesh para suksesit ka një rrugë të vështirë, megjithatë është  shumë e rëndësishme,  që të mos shkojmë asnjëherë në dy ekstremet e vlerësimit: ‘është e gjitha faji i botës’ ose ‘është faji im’. Duke u rrotulluar pas vetes dhe duke mjekuar plagët për pak kohë është në rregull, por nëse do të ecësh përpara duhet të cohesh dhe t’i shikosh gjërat për atë që janë.  
LEXO EDHE:Marketing Plan: Disa këshilla praktike për të shkruar një plan marketingu të suksesshmëm

Marka të njohura si Harley-Davidson, Nike, Playboy, Coca-Cola, Apple janë bërë tatuazh në lëkurat e klientëve në mbarë botën.

Pse e bëjnë këtë?

Pse këta tifozë që ne i quajmë të dashuruar pas markave, e vënë lëkurën e trupit në dispozicion të kompanive?
Cfarë mund të mësojmë ne marketeret prej tyre?

Rastet e para tashmë janë evidentuar dhe ka nga ata që mëndojnë se kjo është një industri e re e komunikimit. Kjo mënyrë mendohet se do e cojë më afër se kurrë mesazhin për markën në syrin dhe jetën e publikut. Logot dhe imazhet të bëra tatuazh mund të duken tepër ekstreme nga ana e marketingut. Këta njerëz përfaqesojnë ajkën e klientëve besnikë dhe e kuptojnë biznesin tuaj në një nivel më kuptimplote dhe më të thelluar. Përvec këtyre klientëve të besuar të markës ka edhe nga ata që e bëjnë logon e një marke tatuzh në trupin e tyre kundrejt një pagese,duke e shëndrruar në një brand tattoo business.
Brand Tattos mund t’i mësojnë marketerëve në lidhje me motivimin e konsumatorëve. Njerëzit kanë markuar veten me tatuazhe për të prezantuar veten si të ndryshëm nga të tjerët dhe për të sfiduar statuset shoqërore.
Pse njerëzit bëjnë Brand Tattos???
Mendoni për atë që termi “markë” do të thotë dhe do të keni një vlerësim më të mirë për rëndësinë e psikologjisë së tatuazheve. Ne kemi një instinkt biologjik për të markuar veten. Ndërkohë që arti i trupit mund të dëmtojë trupin, kuptimi i tij është më i rëndësishëm për ne.
Ka shumë arsye psikologjike që i shtyn klientët të bëjnë tatuazh një markë.
1.      Anëtarësimi në Grupet Sociale:
Tatuazhet e markës ndihmojnë klientët të lidhen me të tjerët në të njëjtin grup social që ndajnë interesa të veçanta dhe vlera të përbashkëta. Tatuazhet e markave dërgojnë një mesazh se i përkasin një komuniteti unik, personalisht kuptimplotë. Të tjerët që i shikojnë i identifikojnë direkt përmes tatuazhit.
2.      Gjetja e një kuptimi shoqatave ku bëjnë pjesë
Tatuazhet e markës iu kujtojnë konsumatorëve vlerat personale. Tattoo është një distinktiv i përhershëm me kuptim të veçantë. Krijon një kujtesë të fuqishme të kujtimeve, përvojave, emocioneve dhe shoqatave të tjera pozitive që kanë me markën. Një imazh i vetëm, siç paraqitet nga tatuazhi, mund të përfshijë një sërë kujtesash dhe ndjenjash komplekse.
3.      Të qënit i lidhur me idealet
Brand Tattos janë përkujtues të jetës ideale të klientit. Marka shoqërohet me ideale specifike, sic Apple është bërë i lidhur pazgjidhshmërisht me kreativitetin, bukurinë dhe vetë-shprehjen. Konsumatorët e shohin markën si një kujtesë e këtyre idealeve dhe ata nxjerrin forcë nga imazhi.

Numri i personave që janë të gatshëm të vendosin tatuazhe me mesazhe publicitare në trupin e tyre për periudha të gjata kohe apo të përkohshme, nuk është i vogël, por shumica e personave parapëlqejnë tatuazhet njëmujore.
Janë disa kompani që tashmë kanë paguar për tatuazhe-publicitet.Kazinoja online goldenplace.com ka vendosur markën e saj në më shumë se 40 boksierë, duke përdorur tatuazhe te perkohshme dhe ka paguar për këtë nga 5 mijë deri në 100 mijë dollarë për person.

Ndërsa një restorant meksikan në San Francisko jep drekë për gjithë jetën për cdo’njërin që bie dakort për të vendosur një tatuazh-publicitet të përhershëm me emrin e këtij restoranti.
Joe Tamargo ka filluar një biznes të ri, duke i dhënë mundësi kompanive për mesazhe publicitare përmes tatuazheve të përhershme në trupin e tij, kundrejt një pagese.
 
Brand Tattos krijojnë një lidhje të përhershme fizike midis klientit dhe markës. Në një botë ku shumica e bizneseve fokusohen ekskluzivisht në rritjen e shitjeve, mundësia që bizneset t’u shërbejnë konsumatorëve në një nivel më të thellë mbeten të hapura dhe të pritshme. Rezultatet mund të jenë magjike, dhe po, rritja dhe shitjet shpesh ndjekin kte shembull.
Krijo eksperienca kuptimplotë për klientët tuaj. Filloje këtë duke u nisur nga vendosja e kushteve sa më të përshtatshme për t’i krijuar klientit një përvoje të kënaqëshme, duke ndërtuar kështu një model brandi për ta.
Ç’farë mund të mësojnë Smart Marketers nga Brand Tattos?
Ku është vëndi më i përhapur që konsumatorët kërkojnë të bëjnë një Brand Tattos?
Nuk janë krahët, këmbët apo shpatullat: Është mëndja e tyre!
Konsumatorët instinktivisht krijojnë tatuazhe mendore, lidhje shoqërore të fuqishme midis markave dhe përvojave. Marketerët duhet të përqëndrohen pikërisht te përvoja që duan konsumatorët. Këto përvoja lënë një gjurmë mendore që është e vështirë për t’u matur, por pa dyshim është e pranishme.
Mund të themi se një gjurmë e spikatur mendore – një tatuazh në mëndjen e klientit – është qëllimi i përpjekjeve të suksesshme të markimit.
Lexo edhe: Çfarë është, për çfarë nevojitet dhe si bëhet Design Thinking?

Facebook është një nga platformat më të fuqishme reklamuese në botë, por edhe më i “thjeshtë” për t’u përdorur, vetëm 1 euro në ditë për të filluar dhe sistemi ofron metoda me të vërtetë të thjeshtuara për reklama, pa llogaritur që cdo kush mund të hapë një faqe.

Nëse e përdorim atë për punë koha ka treguar që të investosh në reklamat në facebook nuk është zgjedhje, por detyrim.

Pra, cilat janë gabimet më të shpeshta në Facebook Ads dhe për këtë arsye absolutisht që duhet të shmangen?

Shumë prej bizneseve harxhojnë më shumë para, për fat të keq pa i kuptuar ato!

1. Sponsorizimi i nje postimi direkt nga facebook.

Kjo mënyrë që e përdorin jo profesionistët është e lehtë, e shpejtë dhe gjithashtu duket shumë e efektshme, në dy klikime ju promovoni postimin që ju intereson, në një moment arrini njerëzit në afërsi dhe shihni të gjithë ata “numra” (pëlqime, komente, aksione, njerëz të arritur) që e thënë saktë, janë vetëm numra.

Këto lloje sponsorizimesh janë me të vërtetë shumë të kufizuara dhe të thjeshtësuara, ato ofrojnë shumë më pak mundësi për qëllimin e vërtetë të fushatës (përveç nëse punoni në audiencë të personalizuara dhe të kursyera) dhe, në përgjithësi, përdoren vazhdimisht nga ata që me të vërtetë kanë pak njohuri për sistemin.

2. Mos bërja e testimeve te cilat do te tregojne se cila fushate funksionon

Shpesh na ndodh të dëgjojmë nga bizneset të thonë “ne nuk kemi para / kohë të mjaftueshme për të bërë teste” ose “nuk ka nevojë, ne tashmë e dimë se çfarë funksionon”. Këto deklarata çojnë, pothuajse me siguri në para të shpenzuara kot dhe për një arsye të thjeshtë.

Nëse nuk bëni testime apo prova të ndryshme të cilat do t’iu ndihmojnë të kuptoni se cila strategji funksionon me të vërtetë për biznesin tuaj atëherë ju jeni duke shpenzuar para në mënyrë jo efikase. Kategoria burra, gra, mosha, zona gjeografike apo edhe shumë elementë të tjerë të cilët cojnë në përzgjedhjen e audiencës ju nuk do ta kuptoni nëse kjo metodë funksionon apo një ndryshim në imazh do të sillte më shumë përfitime.

3. Mospërdorimi i Facebook Pixel  

Pse të mos gjurmosh, kur është e mundur, rezultatet aktuale që fushatat tona mbajnë në Facebook, përtej reagimeve, komenteve, shkëmbimeve, njerëzve të arritur, etj.

Nëse qëllimi juaj është të sillni konvertime, qofshin ato kontakte, shtesa në karrocë, blerje, regjistrime ose çfarëdo tjetër, nuk ka asgjë më të keqe se marrja e Kostos për Klik si një tregues i performancës sepse “ne nuk keni vendosur Facebook Pixel “. Jo vetëm që është me rëndësi thelbësore të përdorim Facebook Pixel, por padyshim të gjurmosh Konvertimet që ai sjell në faqen tonë, në mënyrë korrekte dhe sa më efektive të jetë e mundur është mjaft e rëndësishme.

4. Të bëni disa reklama online dhe thjesht t’i lini të vazhdojnë

Reklamat në Facebook zakonisht nuk kanë një jetë të gjatë veçanërisht në një publik që nuk është shumë i madh ose, më keq, në publik të vogël dhe me një shkallë të ulët rinovimit.
Pak pasi janë online fushatat kanë tendencë të japin kosto gjithnjë e më të larta dhe rezultate më të ulëta dhe më të ulta, kjo për faktin se Facebook synon të arrijë kryesisht njerëzit që kanë më shumë mundësi të bëjnë atë lloj veprimi (konvertimi, si, klikoni, shfaqja e video …) në audiencën që kemi krijuar, në mënyrë të pashmangshme për ta “ngopur” atë.
Kjo është arsyeja pse është shumë e rëndësishme jo vetëm për të monitoruar vazhdimisht fushatat, ndoshta edhe duke aplikuar rregulla të automatizuara për të mos pasur nevojë t’i shikojmë gjatë gjithë kohës, por edhe të rinovojmë ato në shkallë që ato të japin rezultate të mira.

5. Mospërdorimi i Publikut të Personalizuar

Ky është një nga gabimet më të zakonshme që bëhet , madje edhe në markat e strukturuara që investojnë mijëra euro në muaj në platformat online.

Ky është një publik i krijuar duke filluar nga njerëz që disi kanë hyrë në kontakt me markën tuaj ose kanë shprehur interes për produktet ose shërbimet tuaja (p.sh. ata që ndërvepruan me faqen tuaj në Facebook, llogarinë Instagram, faqen e internetit, klientët e fituar, etj) dhe për këtë arsye ka shumë të ngjarë të kërkojnë informacion ose blerje.

Publiku i Personalizuar, së bashku me Facebook Pixels, janë një nga mjetet më të vlefshme që platforma vë në dispozicion për të marrë kontakte dhe klientë dhe për të shndërruar blerjen e vetme në blerje të përsëritur, nuk mund t’a shmangni absolutisht përdorimin e tyre nëse doni ta bëni Facebook-un një burim të vërtetë biznesi.

Lexo edhe: Si mund të kuptoj nëse agjensia që po zgjedh për të drejtuar biznesin tim online, është profesionale apo jo?

Dëshira juaj për të qënë online me produktet apo shërbimet e biznesit tuaj ju ka vënë përballë një dileme:

Marketing digjital, duhet ta bëni vetë apo t’ia besoni një agjensie marketingu?

Sot, oferta për konsulencën e Web marketingut dhe agjencinë e mediave sociale ka shpërthyer në një nivel ku mundësitë për zgjedhje janë të shumta.
Arsyet se pse duhet te zgjidhni nje Social Media Manager për biznesin tuaj online i kemi shpjeguar edhe në artikuj të tjerë. Lexo: Pse binzesi juaj ka nevojë për Social Media Manager

Sot do ndalemi në një tjetër dilemë që iu shqetëson:

Si mund të kuptoj nëse agjensia që po zgjedh për të drejtuar biznesin tim online, është profesionale apo jo?

Ka disa pika që mund t’iu vijnë në ndihmë dhe unë dua të ju listoj më poshtë, duke shpresuar t’ju ndihmoj për të gjetur zgjidhje.

1. Kanë prezencë online profesionale në kanalet e tyre të komunikimit:

Duke i hedhur një sy faqeve të facebook apo instagram-it arrini të kuptoni se prej sa kohësh është krijuar kjo agjensi, nëse postimet e agjensisë janë të bazuara në një plan marketingu apo bëjnë postime të rëndomta vetëm për të mbushur faqen dhe për të qënë online.
Kjo është një nga ato pikat paraprake që iu bie direkt në sy dhe ju ndihmon të bëni një analizë nëse kjo agjensi marketinu mund t’iu ndihmojë apo jo.

2. Faqe interenti e mirëndërtuar:

Website është shumë i rëndësishëm për të gjitha llojet e bizneseve. Pasqyron më së miri punën dhe seriozitetin e një kompanie. Nëse agjensia që keni zgjedhur për marketing online ka një faqe web-i ku ju mund të gjeni këshilla sesi të rriteni në mediat sociale jeni në rrugën e duhur.

3. Staf i kualifikuar në fushat përkatëse:

Agjensitë profesionale të marketingut e bëjnë të njohur për ndjekësit stafin e tyre. Kështu ju mund të shikoni formimin profesional të tyre për të kuptuar nëse pas kësaj agjensie janë punonjës të fushës së marketingut apo jo.

4. Rekomandimet:

Pa dyshim që kjo është një pikë tjetër mjaft e rëndësishme sepse me anë të rekomandimeve ju mund të kuptoni nëse persona të tjerë e kanë vlerësuar punën e tyre apo jo. Rekomandimet mund t’i gjeni në faqen e facebook-ut ose në faqe interneti.

5. Rëndësia që kanë numri i ndjekësve, angazhimi online, informacioni:

Numri i ndjekësve vazhdon të jetë një problem edhe pas fshirjes të shumë llogarive online. Pra kjo nuk do të thotë që numri i ndjekësve duhet të jetë me domosdoshëri i lartë sepse një pjese e tyre mund të mos jenë realë. Agjensia duhet t’iu japë këshilla të zbatueshme sesi mund të përmirësohet biznesi juaj. Nuk ka sesi një agjensi të ketë shumë ndjekës psh në instagram dhe të ketë gjithsej deri në 10 postime të cilët janë njësoj ose të ngjashëm me njëri-tjetrin.
Gjithashtu edhe informacioni që kjo agjensi ka vënë në dispozicion për ndjekësit duhet të jetë i qartë dhe i plotë.

Këto ishin disa pika që mund t’iu vijnë në ndihmë për te zgjedhur agjensinë e duhur për marketingun online të biznesit tuaj.

Mbërriti më në fund momenti më i pritur nga të gjithë marketer, përfshirë edhe IGTV

Ndodhi!

Marketer nga e gjithë bota ishin duke pritur këtë ditë dhe më në fund kjo ditë mbërriti: që tani e tutje mund të publikoni në Instagram dhe IGTV nga desktop, duke mos u mbështetur më në mjetet e palës së tretë, të cilat shpesh janë me pagesë. Buffer dhe Hootsuite ishin ato më të përdorura nga publisher dhe më të besueshmit.

Çfarë duhet të dini

Le të shqyrtojmë disa aspekte të rëndësishme:

• funksionaliteti është ende në roll out, kështu që nuk është i disponueshëm për të gjitha llogaritë.

• Megjithatë, për account-et që mund t’i përdorin, nuk është e mundur të përdorin nga desktop disa veçori siç janë filtrat apo efektet.

• Dhe së fundi: do të jetë e mundur të publikohen të gjitha llojet e përmbajtjeve në Instagram dhe IGTV, por jo në Stories. Pak zhgënjyes, por tani për tani duhet të kënaqemi me kaq.

Le të zbulojmë teknikisht, se si të publikojmë nëpërmjet kësaj mënyrë të re!

Si të publikojmë në Instagram nga desktop?

Keni idenë e Creator Studio? Nëse ju jeni një marketer, me siguri duhet të dini se për çfarë po flas. Në të vërtetë, është një mjet shumë i vlefshëm që ju lejon të programoni, menaxhoni dhe analizoni postimet në Facebook.

Pra, do t’ju duhet të lidhni account tuaj Instagram me Creator Studio për të qenë në gjendje të publikoni të gjitha përmbajtjet që dëshironi nëpërmjet desktop.

Të bësh këtë është shumë e thjeshtë:

Para së gjithash duhet të siguroheni që keni një account Instagram business ose Creator. Nëse nuk keni një llogari të tillë do t’ju duhet ta konvertoni dhe pastaj ta lidhni me faqen e Facebook-ut.

Në këtë pikë, lidhuni me Creator Studio dhe klikoni në ikonën Instagram lart në qendër, dhe së fundi vazhdoni me lidhjen e llogarisë në Instagram.

Ky proces nënvizon dhe e bën gjithnjë dhe më të qartë vullnetin e Facebook: të unifikojë dhe thjeshtojë botimin dhe menaxhimin e përmbajtjeve në platformat e ndryshme.

Qëllimi është t’i bëjmë ato gjithnjë e më shumë profesionale dhe efikase, duke u përpjekur të minimizojmë gabimet dhe bug e sistemit.

Gjëja më e rëndësishme për të kuptuar është se biznesi juaj dështoi, por kjo nuk do të thotë që ju jeni një dështim. Dështimi është një mundësi për të kuptuar gjithçka që keni mësuar dhe për ta zbatuar atë në një sipërmarrje apo rol të ri. Duhet të kthehesh për të mësuar nga gabimet dhe të ecësh përpara. Shumica e njerëzve të suksesshëm të biznesit kanë një apo dy dështime të biznesit në jetëgjatësinë e tyre. Mos harroni se ka shumë rreziqe që lidhen me të qenit një sipërmarrës dhe marrja e dështimeve me një ndryshim në perspektivë mund të rezultojë me sukses më të madh në fund.

Këto pesë hapa mund t’ju ndihmojnë të pranoni dështimin dhe të ecni përpara.

1. Merrni gjërat hap pas hapi.

Një nga gabimet që bëjmë më së shumti kur një biznes dështon është shmangia e përgjegjësive, që është krejtësisht e gabuar. Ju duhet t’i mendoni gjërat me qetësi, të përgjigjeni për përgjgjegjësitë që kishit dhe t’i zgjidhni ato në mënyrëm më të mirë të mundshme. Shmangia vetëm e përkeqëson situatën.

2. Shmangni dështimin e personalitetit të biznesit.

Suksesi i një biznesi nuk parashikohet lehtë, dhe rrethana të papritura mund të krijohen në çdo kohë. Çështja është të jesh fluid dhe i adaptueshëm. Sa më mirë të pranoni dhe të lejoni ndryshimin, aq më lehtë do të mund të shëroheni nga një dështim i biznesit ose një ndryshim i madh që do të ndodhë.

3. Përgatituni për një sipërmarrje të re ose fazë tjetër në jetën tuaj.

Asnjëherë mos e merrni një dështim të biznesit si një shenjë për të hequr dorë. Konsideroni dështimin si asgjë më shumë se një mundësi për të reflektuar dhe përshtatur në një situatë tjetër. Ku keni gabuar? Çfarë mund të bëni ndryshe? Mësimi është një pjesë e tregtisë dhe dështimi është një mjet për përpunim.

4. Rihapni sirtarin me pasionet tuaja.

Pavarësisht se sa kohë më parë keni filluar biznesin tuaj, me siguri iu ka ndryshuar jetën në shumë mënyra. Puna zakonisht merr kohën më të madhe të ditës dhe iu bën të hiqni dorë nga shumë hobi apo pasione tuajat. Merrni një moment për të reflektuar përsëri në jetën tuaj dhe vendosni një drejtim që duket më i përmbushur. Sillni ëndrrat tuaja në jetë. Ndonjëherë fundi i një gjëje sjell më shumë gëzim në një fillim të ri.

5. Rrethojeni veten me njerëz që do t’ju ndihmojnë të rriteni në drejtimin e ri që dëshironi të merrni.

Gjeni një mentor, filloni një kurs ose merrni pjesë në një seminar, por lejojini vetes të vazhdoni të mësoni. Sa më shumë që mësoni, aq më shumë vlera do të fitoni, çka rezulton t’iu bëjë gati për një mundësi të re.

Dështimi mund të jetë i frikshëm në fillim, por nuk duhet të jetë fundi i botës.
Mësoni, përshtatuni dhe vazhdoni të punoni drejt ëndrrave tuaja.

Lexo edhe:Instagram-Po ndryshon për mirë apo jo?

Instagram heq mundësinë që përdoruesit të shohin numrin e pëlqimeve. Pas eksperimentit të suksesshëm në Kanada, rrjeti social i famshëm ka filluar të fshehë numrin e “Like” edhe në qytetin fqinj, Itali. Testimi filloi të mërkurën në 17 korrik 2019.

Natyrisht, siç është komunikuar, kjo nuk është një dispozitë e pandryshueshme pasi që fillimisht do të jetë e nevojshme të testohet terreni për të zbuluar mendimin e përdoruesve. Shkurtimisht, do të shohim nëse ata që klikojnë në zemrën e vogël të bardhë, thjesht do të jenë të kënaqur ta shohin atë të bëhet e kuqe, pa qenë në gjendje të shohin kush ka të njëjtin mendim.

Nëse propozimi do të zbatohej edhe në të ardhmen, do të ishte absolutisht një revolucion i madh për botën e marketingut digjital dhe të ashtuquajturit “influencues” që punojnë çdo ditë me përmbajtjet e tyre dhe sigurojnë të ardhura nga numri i pelqimeve. “Ne duam të ndihmojmë njerëzit të përqëndrohen në fotot dhe videot e përbashkëta, jo sa pëlqime ata marrin”, konfirmon Tara Hopkins, drejtuesi i Instagram-it.
Por për influencuesit kjo është padyshim një pikë negative në punën e tyre virtuale. Për të bindur sponsorat do ta kenë edhe më të vështirë t’iu tregojnë ndikimin që kanë tek ndjekësit.
Hera e parë që ata u “goditën” nga Instagram ishte në fillim të vitit ku u fshinë të gjitha profilet fallco duke ulur ndjeshëm numrin e ndjekësve në profilet e tyre.

“Ne duam që Instagram të jetë një vend ku të gjithë mund të ndjehen të lirë të shprehin veten. Po fillojmë disa teste në shumë vende për të mësuar nga komuniteti ynë global se si kjo nismë mund të përmirësojë përvojën në Instagram “, vazhdon Tara Hopkins.

Kjo risi e veçantë u parashikua nga vetë Mark Zuckerberg gjatë konferencës zhvilluese të Facebook në prillin e vitit të kaluar, e cila u mbajt në San Jose të Kalifornisë. Në përmbledhje, butoni “like” nuk do të hiqet absolutisht, por numri i “pëlqimeve” të marra nga përmbajtja e ngarkuar nuk do të jetë më e dukshme. Vetëm përdoruesi që ka postuar në Instagram mund të ketë qasje në këtë informacion.
Përdoruesit e përfshirë në test do të marrin një paralajmërim. “Ky ndryshim mund të ketë një efekt pozitiv mbi ndikuesit dhe kompanitë. Ndikuesit, sidomos të rinjtë, mund të përfitonin nga kjo, sepse audienca e tyre nuk do të ndikohej më nga numri i “like”: ky është koment nga Vincenzo Cosenza, Marketing Manager i Buzzoole, një kompani marketingu influencues.

“Kompanitë që dëshirojnë të bëjnë aktivitet përmes marketingut influencues – shton ai – mund të shtyhen për të vlerësuar elemente më të rëndësishme sesa numri i thjeshtë i pëlqimeve, të tilla si cilësia e përmbajtjes apo arritja e sa me shume përdoruesve. Për të marrë këto të dhëna, të cilat nuk janë menjëherë të dukshme, kontaktoni kompanitë e specializuara “.

Po ju si mendoni: Ju pëlqen ndryshimi i Instagram?

Lexo edhe: Pse binzesi juaj ka nevojë për Social Media Manager

Pse biznesi juaj ka nevojë për një Social Media Manager?

Shumë biznese shkojnë deri në një pikë suksesi pa ndihmën e një menaxheri marketingu, por me rritjen e konkurencës lind nevoja për një të tillë. E njëjta gjë ndodh edhe në rrjetet sociale. Nuk është e rëndësishme vetëm të postoni foto apo video. Mënyra se si postohen, koha se kur duhen postuar, strategjia që duhet ndjekur, targetimi i klientëve është pikërisht dallimi.

1. Mediat sociale po ndryshojnë me shpejtësi dhe nje Social Media Manager është gjithmonë i mirëinformuar për risitë që i duhen biznesit tuaj. 
2. Biznesi juaj ka nevojë për një strategji dhe Social Media Manager Studion, Analizon dhe krijon Strategji.
3. Social Media Manager identifikon problemet tuaja dhe kërkon zgjidhje efektive që do ju ndihmojnë në rritjen e biznesit tuaj.

Avantazhet e punësimit të një Agjencie për Marketing në Social Media

• Identifikon problemet e markës tuaj që janë problemi kryesor për mosarritjen e objektivave.
• Mund të kushtojë më pak financiarisht sesa punësimi i një punonjësi. 
• Menaxher i mediave sociale mund të ketë ide të freskëta, të reja që ju mund të mos i keni konsideruar.
• Ata gjithashtu kanë më shumë gjasa që të punojnë me markat e ngjashme me ju brenda agjencisë, të cilat gjithashtu mund të ndihmojnë me praktika më të mira, duke gjetur zgjidhje se çfarë funksionon në industrinë tuaj të veçantë dhe çfarë jo.

Pse duhet te na zgjidhni ne?

1. Kosto– Nëse ju do punësonit një menaxher marketingu me kohë të plotë do iu kushtojë më shumë dhe shumica e bizneseve, të vogla sidomos, nuk e kanë të nevojshme këtë kosto shtesë.
2. Paraqitje profesionale– Shumica e agjensive që ofrojnë konsulencë marketingu nuk kanë një profil të tyre profesional. Për të mësuar më shumë rreth rrjeteve tona socile, vizitoni faqen e instagram dhe facebook ku cdo dite merrni informacione të reja në lidhje me teknologjinë, botën virtuale, përdorimin e mediave sociale, strategji biznesi, etj: https://www.facebook.com/pg/dokadigital/posts/
   https://www.instagram.com/dokadigital/
3. Content profesional– Në rrjetet tona sociale gjeni postime origjinale dhe që ju vijnë në ndihmë për të patur më shumë informacion për mënyrën se si duhet të veproni për strategjinë digjitale të biznesit tuaj. Për më shumë vizitoni website tonë: https://dokadigital.com/
4. Nuk ka rëndësi nëse jeni biznes i madh apo i vogël– Ne ju vijmë në ndihmë duke gjetur zgjidhje për problemet tuaja.

Shërbimet që ju ofrojmë:

1. Menaxhim profesional i rrjeteve sociale
2. Strategji Marketingu
3. Krijim faqe website të personalizuar sipas kërkesave tuaja, përfshirë e-commerce
4. Realizim i galerive multimediale (imazhe dhe video)

Si mund të na kontaktoni:

1. Mund të na shkruani në inbox, në instagram dhe facebook
2. Mund të na dërgoni email në adresat tona : [email protected] , [email protected]
3. Mund të vendosni të dhënat tuaja më poshtë dhe ne do iu marrim në telefon në orarin më të përshtashtëm për ju. Do të dëgjojmë në telefon kërkësat tuaja paraprake dhe do të caktojmë një takim për t’u konsultuar nga afër falas.

Emër mbiemër:

Biznesi juaj:

Numri i telefonit:

Orari per t’iu kontaktuar në telefon:

Lexo edhe: Pse binzesi juaj ka nevojë për Social Media Manager

Libra do të arrijë brenda muajve të parë të 2020 dhe mund të revolucionarizojë mënyrën se si njerëzit blejnë në internet dhe shkëmbejnë para.

Është quajtur Libra dhe është kripto-valuta e re e shpallur nga themeluesi i Facebook, Mark Zuckerberg, që vjen në gjashtë muajt e parë të vitit 2020. Ajo do të bëjë revolucion në botën e internetit dhe sipas krijuesit do të lejojë të bëjë blerje online në rrjetet kryesore sociale Instagram, Facebook dhe WhatsApp, të cilat i përkasin “galaktikës Zuckerberg”): “Ne duam ta bëjmë të lehtë për të gjithë të dërgojnë dhe të marrin para, ashtu si me Aplikacionet tona për të ndarë mesazhe dhe foto në çast,” shpjegoi numri një nga mediat sociale më të përhapura dhe më të përdorura në botë (mbi 2 miliard në mbarë botën).

Çfarë është Libra?

Duket si një kripto-valutë, një monedhë digjitale e decentralizuar, që nuk është e kontrolluar apo lëshuar nga një organ qendror, siç është Banka Qendrore Evropiane. Është i bazuar në kriptografi, një “shkrim sekret” i cili përbëhet nga një mekanizëm i kuptueshëm dhe i shpjegueshëm i shkrimit vetëm nga ata që njohin një kod të caktuar, siç është Bitcoin.

Si dhe për çfarë të përdorim Libra?

“Libra synon të jetë një monedhë globale, e përdorshme për pagesat ndërkombëtare dhe remitancat, të integruar edhe në sistemet e mesazheve të tilla si WhatsApp dhe Messanger” shpjegon prof. Ferdinando Ametrano, drejtor i Institutit të Arteve Dixhitale dhe i Crypto Asset Lab i Universitetit të Milanos-Bicocca.

Libra jo vetëm që do të thjeshtojë tregtinë elektronike (blerjet dhe shitjet në internet) dhe shkëmbimet e parave, por edhe kreditë, veçanërisht për ata që nuk kanë një kartë krediti ose llogari bankare aktive (1.7 miliarda njerëz në botë), ose për ato kompani që nuk kanë qasje në kredi (sipas Facebook, 70% e atyre në vendet në zhvillim).

Çfarë ka të bëjë Facebook me të?

Për një kohë të gjatë, Mark Zuckerberg ka punuar në projektin e krijimit të “monedhës” së tij dhe në vitin 2014 ai e kishte thirrur grupin e tij ish-presidenti i PayPal, David Marcus, i cili tani përcakton monedhën digjitale si “të lehtë, të shpejtë, të qëndrueshme dhe të sigurt “. Në mars u fillua një eksperiment i pari në Indi, nëpërmjet WhatsApp për blerjen e produkteve përmes bisedës sociale. Tani Facebook duket i gatshëm të drejtojë tregtinë, pa ndonjë ndërmjetësim, thjesht duke aplikuar një përqindje mbi çmimet e produkteve të shitura përmes mediave të saj sociale, siç ka ndodhur tashmë me disa marka globale si Nike, Adidas, H & M, Zara, Prada, Burberry dhe Dior.

Kush u bashkua

Kripto-valuta do të menaxhohet nga Shoqata e Libra-s, një organizatë e pavarur dhe jofitimprurëse me seli në Gjenevë, Zvicër. Rreth 100 partnerë me emra të mirënjohur janë bashkuar me projektin, 28 prej të cilave janë zbuluar:

– për pagesat: Mastercard, Paypal, PayU, Visa, etj;

– për blerje dhe rezervime: prenotim, eBay, Facebook, Spotify, Uber, etj;

– telekomunikacioni: Iliada, Vodafone;

– organizata jofitimprurëse

Cili është ndryshimi me Bitcoin?

Libra është një kripto-valuta si Bitcoin, monedha digjitale më e famshme, e cila përjetoi një bum në vjeshtën e vitit 2017, e cila humbi vlerën në muajt e fundit. Por ka disa dallime: “Sot Libra nuk do të ekzistonte nëse Bitcoin nuk do të e kishte hapur rrugën vite më parë”, thotë Ametrano. Ndryshe nga Bitcoin, i cili ka lindur si një platformë për të lehtësuar shkëmbimet financiare por që më pas u kthye në një lloj investimi me vlerë (i definuar si “ari digjiital”), Libra propozohet të jetë një lloj monedhe virtuale e cila do të shërbejë për të dërguar para dhe për të kryer transaksione.

Zuckerberg, nëpërmjet një kompanie të veçantë (Calibra), synon të pajisë kripto-valutën e re me sistemet e sigurisë për të mbrojtur jo vetëm paratë, por edhe informacionin e përdoruesve, të cilat paraqesin një pikë delikate në menaxhimin e Libra-s.

Pikat kritike dhe përparësitë

Ndër aspektet më delikate janë kontrollet kundër pastrimit të parave, rrezikun që egziston për të financuar aktivitete ilegale ose terrorizëm, siç është Bitcoin, për shkak të faktit se ajo është “e pavarur” nga një organ bankar qendror. “Për më tepër, çështja e privatësisë është shqetësuese dhe Facebook ka pasur episode të tmerrshme në të kaluarën: ideja që nesër mund të dijë të gjitha transaksionet tona financiare është shqetësuese”, shpjegon Profesor Ametrano.

Në anën pozitive, në vend të kësaj, “mund të shënojë përfundimisht mosbesimin e të ashtuquajturave kripto-valuta dhe në përgjithësi format digjiitale dhe private të transferimit të vlerave monetare, duke i dhënë fund” paleolitit “të transaksioneve të ngadalta financiare (edhe më shumë se dy ditë) në kufijtë e caktuar kombëtarë”, përfundon eksperti.

Lexo edhe: Renditja e komenteve- Ja cfarë ka ndryshuar së fundmi Facebook

Sic mund ta keni vënë re në komentet e faqeve te ndryshme apo në llogaritë me shumë follower është shtuar një opsion i ri tek postimet. Komentet shfaqen në bazë të një risie që facebook e quan “Comment Ranking” apo Renditja e komenteve.

Ja se c’thotë facebook:

“Ne jemi gjithmonë duke punuar për të siguruar që koha e njerëzve në Facebook të jetë e shpenzuar mirë. Një mënyrë për ta bërë këtë është nëpërmjet renditjes, e cila promovon biseda kuptimplota duke u treguar njerëzve postimet dhe komentet më të rëndësishme për ta. Përditësimi është bërë për të përmirësuar renditjen e komenteve në postimet publike dhe ne duam të shpjegojmë se si funksionon kjo dhe si faqet dhe njerëzit mund të kontrollojnë parametrat e tyre të renditjes së komenteve.

Si i renditëm komentet publike?

Përveç renditjes së postimeve në News Feed të njerëzve, ne renditim komentet në postimet publike nga Faqet dhe njerëzit me shumë ndjekës, pasi këto poste kanë tendencë të kenë shumë komente. Në mënyrë që t’u tregojmë njerëzve komentet relevante dhe cilësore, ne inkorporojmë një numër sinjalesh, duke përfshirë:

Sinjale të integritetit: Ne duam që njerëzit të shohin komente të sigurta dhe autentike. Nëse një koment shkel standardet tona të komunitetit, e heqim atë. Ne gjithashtu marrim parasysh sinjale të tjera, si angazhimi, për të adresuar integritetin e informacionit dhe për të përmirësuar cilësinë e komenteve që njerëzit shohin.

Çfarë na thonë njerëzit që duan të shohin në komentet: Ne kemi përdorur më shumë sondazhe për të na ndihmuar të kuptojmë llojet e komenteve që njerëzit duan të shohin, kështu që ne mund t’i rendisim ato më të larta.

Si njerëzit ndërveprojnë me komente: Kjo përfshin sinjale duke përfshirë nëse njerëzit pëlqejnë, reagojnë ose përgjigjen ndaj komentit.

Çfarë kontrollon posteri: Njerëzit mund të moderojnë komentet në postin e tyre duke i fshehur, fshirë ose të angazhohen me komente. Renditja është në parazgjedhje për Faqet dhe njerëzit me shumë ndjekës, por mund të zgjedhin për të hequr opsionin e renditjes së komenteve. Njerëzit të cilët nuk kanë aq shumë ndjekës nuk do të kenë renditje të komenteve të aktivizuara automatikisht pasi që ka më pak komente në përgjithësi, por secili person mund të vendosë për të mundësuar renditjen e komenteve duke shkuar në cilësimet e tyre.

Renditja e komenteve- vjen duke u përmirësuar

Për të përmirësuar rëndësinë dhe cilësinë, ne do të fillojmë të shfaqim komentet në postimet publike më dukshëm kur:

• Komentet kanë ndërveprime nga Faqja ose personi i cili ka postuar fillimisht; ose
• Komentet ose reagimet janë nga miqtë e personit që kanë postuar.

Ne do të vazhdojmë të marrim parasysh sinjale të tjera, kështu që ne nuk shfaqim në mënyrë të dukshme komente me cilësi të ulët, edhe nëse ato janë nga personi që ka bërë postin origjinal ose miqtë e tyre.”

Pra, Facebook është platforma online e cila vjen duke u përmirësuar cdo ditë duke u bërë një media e pazëvëndësueshme për biznesin tuaj.

Lexo edhe: https://dokadigital.com/2019/06/10/pse-binzesi-juaj-ka-nevoje-per-social-media-manager/

Në ditët e sotme duket qartazi se sa ndikim të madh kanë rrjetet sociale në mirëvajtjen e një biznesi. Shumë pronarë nuk iu duhet ta kenë dyqanin afër një rruge kryesore apo nuk iu duhet të harxhojnë para për broshura apo fletëpalosje.
Sot me marketingun online ju mund të jeni pikërisht aty ku janë klientët tuaj.

Ja arsyet se pse biznesi juaj ka nevojë për social media manager

Shumë biznese shkojnë deri në një pikë suksesi pa ndihmën e një menaxheri marketingu, por me rritjen e konkurencës lind nevoja për një të tillë. E njëjta gjë ndodh edhe në rrjetet sociale. Nuk është e rëndësishme vetëm të postoni foto apo video. Mënyra se si postohen, koha se kur duhen postuar, strategjia që duhet ndjekur, targetimi i klientëve është pikërisht dallimi.

Rrjetet sociale ndryshojnë me shpejtësi

Një menaxher i mediave sociale mund të mbajë gjurmët e ndryshimeve të algoritmeve dhe tendencave të reja brenda platformës, por gjithashtu të përshtatë strategjinë dhe përmbajtjen e bazuar në përditësimet më të fundit.
Një menaxher i medias sociale ka informacionin se çfarë ndryshimesh po ndodhin ose do të ndodhin së shpejti dhe janë në kohë të ndryshojnë strategjinë e ndjekur për një biznes apo edhe objketiva të  fushatës promocionale për të siguruar sukses.

Ju keni nevojë për një strategji të mediave sociale

Në takime me klientët pyetjes: A po ndiqni një stratëgji në rrjetet sociale? –përgjigjen se janë duke postuar cdo ditë foto apo video dhe besojnë se kaq mjafton. Ky është një gabim që bëhet më së shumti.
Një punonjës i juaji apo edhe ju vetë që postoni në mënyrë të rastësishme në profilet e mediave tuaja sociale për biznesin, pa plan, jeni duke e dëmtuar markën tuaj.

 
Ajo cfarë duhet të bëni në këtë rast:
Të studioni nëse në rrethin e punonjësve tuaj është dikush që ka aftësi të mira në menaxhimin e rrjeteve sociale dhe merr përsipër këtë detyrë me kohë të plotë edhe pse mund të jetë në një pozicion tjetër.
Të kontaktoni me agjensi marketingu që merren me këtë punë dhe mund të hartojnë një strategji për biznesin tuaj.

Social Media Manager identifikon problemet tuaja dhe kërkon zgjidhje efektive.
Ështe në gjëndje të vlerësojë se cilat janë qëllimet tuaja primare për vitin dhe t’i përkthejë ato në përmbajtjen dhe fushatat e mediave sociale.

Ju ndihmon të mbroni reputacionin tuaj dhe të krijoni lidhje me klientët tuaj

Menaxherët e mediave sociale janë vazhdimisht në alarm për çdo mesazh,shikim, pëlqim apo  koment që ndodh brenda mediave sociale në lidhje me një markë. Ata janë të vetëdijshëm se si të sillen brenda platformës, duke përfaqësuar markën. Punësimi i një individi i cili është me eksperiencë të madhe në këtë fushë është ndihmë e madhe për biznesin, pasi brenda sekondash një menaxher i mediave sociale mund të ndihmojë në zbutjen dhe zgjidhjen e një çështjeje që do të ishte kthyer ndryshe në një “fatkeqësi” nëse një individ më pak i stërvitur do të kishte marrë në dorë situatën.

Është jetike që menaxheri i medias sociale të zhvillojë jo vetëm zërin e duhur dhe emrin e markës brenda medias sociale, por edhe të punojë me individë të tjerë brenda biznesit, si mbështetja e klientit dhe PR. Janë shumë faktorë që ndikojnë në suksesin e një fushate.
Aksioni për t’iu përgjigjur një komenti, nëse është i mirë apo i keq, duhet gjithashtu të bëhet brenda një afati kohor të caktuar. Sa më shpejt aq më mirë. Marka juaj ose mund të ndihmojë në zgjidhjen e një problemi për një klient ose të bëjë që dikush të respektojë mënyrën se si lidhet marka juaj në mediat sociale me klientët.

Perspektiva – Brenda & Jashtë

Avantazhet e punësimit të një Agjencie për Marketing në Social Media

Identifikon problemet e markës tuaj që janë problemi kryesor për mosarritjen e objektivave.
Mund të kushtojë më pak financiarisht sesa punësimi i një punonjësi.
Menaxher i mediave sociale mund të ketë ide të freskëta të reja që ju mund të mos i keni konsideruar.
Ata gjithashtu kanë më shumë gjasa që të punojnë me markat e ngjashme me ju brenda agjencisë, të cilat gjithashtu mund të ndihmojnë me praktika më të mira, duke gjetur zgjigje se çfarë funksionon në industrinë tuaj të veçantë dhe çfarë jo.

Raportimi & Ndjekja

Të kesh një menaxher që është përgjegjës për të gjitha projektet e mediave të tua sociale mund të të ndihmojë të përmirësosh fushatën ekzistuese. Por një menaxher i medias sociale gjithashtu mund ta bëjë markën tuaj të “shkathët” – duke kaluar objektivat, kreativitet ose përmbajtjen nëse përpjekjet e tua të tanishme nuk po shkojnë aq mirë sa duhet.

Një menaxher i medias sociale do të kontrollojë fushatat tuaja rregullisht  duke optimizuar reklamën për t’u siguruar se jeni duke i shpenzuar mire paratë dhe se qëllimet tuaja po përmbushen apo jo.
Një menaxher i mediave sociale do të vëzhgojë fushatat me kalimin e kohës dhe do të dijë nëse një taktike po i vjen fundi ose nëse strategjia duhet të përmirësohet.

Në fund të muajt i japin përgjigje 3 pyetjeve:
Ç’ka u ekzekutua atë muaj?
Sa ishte rezultati në krahasim me muajt e mëparshëm?
Çfarë duhet bërë më tej?

Është më mirë të keni ndihmën e një profesionisti që do të kontribuojë 100% në arritjen e qëllimeve tuaja dhe do të rritë normën e fitimit sesa të postoni në mënyrë të rastësishme në rrjetet sociale duke pritur një feedback që shpeshherë është me kthim shumë të ulët.

LEXONI EDHE: Si t’i përdorni mediat sociale në të mirë të restorantit tuaj