Menaxhimi i nje Bar-Restoranti në dukje sa i lehtë, po aq i vështirë është në fakt. Në Shqipëri të paktën, konkurenca është e madhe sepse në një lagje të vogël në zonat e populluara mund të gjesh 3-4 restorante. Jo të gjithë e dinë për mënyrën se si gatuhet, për shërbimin që ofrohet apo për shumëllojshmërinë e gatimeve që mund të gjesh brënda tij. Dhe sigurisht që nuk e kemi luksin për t’i provuar të gjithë restorantet për të vlerësuar se si janë.
Një nga format më të mira për të bërë të mundur njohjen e bizneseve nga sa më shumë persona janë rrjetet sociale. Mediat sociale janë një kanal marketingu thelbësor për bizneset e të gjitha llojeve, përfshirë restorantet. Duke mësuar sesi mund t’i përdorni rrjetet sociale në të mirë të biznesit tuaj ju do të arrini të krijoni një reputacion më të mirë.
Mediat sociale janë një nga mënyrat më efektive për restorantet për të reklamuar veten.
Ju mund të përdorni imazhet e ushqimeve tuaja për të tërheqëur sa më shumë kliëntë. Instagrami është platforma sociale që funksionon më mirë për restorantet.
Më poshtë mund të gjeni disa ide sesi mund të përmirësoni imazhin e restorantit tuaj në rrjetet sociale:
Përmirësoni Reviews
Është shumë e rëndësishme që klientët të lënë një Review të mirë për restorantin tuaj. Sigurisht që ky duhet të jetë mendimi i tyre personal, por një shtysë për një koment të mirë nuk do bëntë keq. Gjithashtu ju duhet t’iu përgjigjeni edhe reviews negative. Për një arsye apo një tjetër mund të ketë edhe klientë të pakënaqur dhe fshirja e këtyre komenteve negative nuk është zgjidhje. Përgjigja është opsioni më i mirë për të krijuar një lloj besimi tek ndjekësit në rrjetet sociale.
Inkurajoni klientët tuaj të postojnë rreth jush
Klientët tuaj janë avokatët tuaj më të mëdhenj dhe më
të mirë sidomos për të vlerësuar punën tuaj, kështu që nxitini ata të postojnë
rreth jush në social media! Krijoni hashtagun tuaj të medias sociale dhe nxisni
klientët tuaj të postojnë fotografi të ushqimit të tyre në të. Ju mund t’i
inkurajoni duke ofruar një pije falas ose hyrje në një konkurs.
Kjo do të bëjë që ju të jeni në sy të klientëve të rinj, do të angazhojë klientët
tuaj aktualë dhe do t’i bëjë ata të dëshmojnë për gatimet tuaja.
Bëjeni të njohur edhe stafin tuaj
Nuk është e rëndësishme vetëm të postoni pamje të një
ambienti të bukur, të qetë e të pastër. Për një imazh sa më të mirë është e rëndësishme
që klientët tuaj ta dinë se kush fshihet pas atyre pjatave që ju serviren në
tavolinë. Nuk duhet të ekzistojnë më ato barrierat ndërmjet kuzhinës dhe pjesës
tjetër të restorantit. Për këtë arsye shumë restorante e kanë ndarë me xham të
tejdukshëm për të qënë sa më e lehtë për klientët të shohin mënyrën se si gatuhet.
Kjo i ndihmon ata të kuptojnë se cfarë ndodh prapa skenave.
Në anën tjetër, njohja në publik do t’i bëjë punonjësit tuaj të ndihen më mirë
për punën e tyre. Kjo do t’iu përmirësojë atyre moralin, dhe nga ana tjetër do
të rritë produktivitetin.
Trego karakteristikat më të mira të restorantit tuaj
Përvec guzhinës që sigurisht duhet të nxjerrë vetëm gatime të shijshme, ju duhet të ekspozoni edhe pjesën tjetër të ambientit. Psh: Nëse ju keni një restorant afër detit, nese ndodheni në mes të një parku apo pylli të rrethuar nga gjelbërimi, nëse në ambientin e restorantit tuaj ka kafshë apo vecanti të tjera ju duhet t’a promovoni edhe këtë pjesë. Këto janë një vlerë e shtuar.
Ndani menunë tuaj ne rrjetet sociale
Ndani me klientët tuaj gatimet e shijshme që i pret në restorantin tuaj. Për të shmangur konfuzionin ose zhgënjimin, bëjuani të qartë kur ndryshon menyja.
Bëni njoftim për çdo promovim të tanishëm ose të ardhshëm
Nëse gjatë fundjavës do të ketë ndonje aktivitet ju duhet ta promovoni atë. Nëse do të ketë ndonjë të ftuar të rëndësishëm si psh, një këngëtar ndjekësit tuaj duhet ta dinë në kohë. Nëse bëhet fjalë për një ditë festive si psh dita e verës klientët duhet ta dinë se si do të jetë organizimi për atë ditë.
Promovoni ushqimet bio dhe jo të dëmshme për organizmin
Për të qëndruar konkurrues, ju duhet të kujdeseni për klientët tuaj. Ju duhet të nxirrni në pah ushqimet me bazë bimore dhe pa kimikate.
Tregoni origjinën e përbërësve tuaj
Është shumë e rëndësishme që klientët tuaj të dinë se nga vijnë produktet që ata do të konsumojnë në restorantin tuaj. Nëse ju gatuani me përbërës të mbledhur në zonën afër jush, ju mund t’i promovoni këta njerëz të thjeshtë të cilët kontribuojnë në gatimet tuaja me përbërësit e tyre. Nëse ju keni bashkëpunim të përhershëm me të njëjtin furnizues ju mund të ndani me ndjekësit një histori të shkurtër të origjinës së produkteve që përdoren në guzhinën tuaj.
Ndani meme apo citime të ndryshme
Kjo do t’i bëjë aktivë ndjekësit tuaj duke i bërë ata të komentojnë në statuset tuaja. Këto postime duhet të kenë lidhje me restorantin tuaj dhe asnjëhërë nuk duhet të dilni nga korniza për të publikuar psh një shitje makine.
Tregoni që jeni ambientalistë
Psh ju mund të tregoni që shishet e pijeve ju i ktheni në fabrikë për t’u ripërdorur përsëri. Mund të tregoni që përpiqeni të shmangni plastikën sa më shumë të jetë e mundur, e shumë raste të tjera që ju bëjnë të keni një reputacion më të mirë
Tregoni mbështetjen tuaj për ngjarjet lokale
Nëse bashkëpunoni me ndonjë organizatë bamirëse, publikoni postimet që i inkurajojnë klientët tuaj të bëjnë donacione. Nëse sponsorizoni ngjarje bamirësie, tregoni fotot tuaja dhe stafit tuaj.
Postoni vënde të reja pune
Nëse jeni duke kërkuar një punonjës të ri nxirreni njoftimin për vëndin vakant të punës në rrjetet tuaja sociale. Ndjekësit tuaj edhe pse mund të mos jenë të interesuar për këtë vënd pune do të bëjnë tag miqtë e tyre apo të afërm të cilët mund të jenë të interesuar. Kështu do të keni disa kandidatë. Kjo nuk duhet të bëhet e përsëritur për një kohë të shkurtër për të njëjtin vënd pune sepse tregon që punonjësit tek ju nuk qëndrojnë gjatë dhe nuk krijon besim tek klientët.
Tërhiqni vëmendjen e klientëve tuaj përmes fotografive apo videove profesionale
Përdoruesit e mediave sociale preferojnë përmbajtje tërheqëse për të parë, prandaj përfitoni nga kjo pikë duke bërë fotografi apo montazhe video profesionale.
Bëni anketa
Plotësimi i anketave nga klientët tuaj ju ndihmon për të identifikuar pikat që jeni duke i bërë shumë mirë si edhe më e rëndësishmja është të arrini të identifikoni gabimet tuaja dhe si mund t’i përmirësoni. Plotësimi i anketave mund të bëhet edhe në rrjetet sociale sepse përfshin një numër më të madh të pjesëmarrësve.
Ktheni gjithmonë përgjigje komenteve
Kjo do iu ndihmonte të krijonit më shumë engagement
me ndjekësit tuaj. Duhet të ktheni përgjigje edhe në rastet kur iu përgëzojnë për
një gatim duke i falenderuar.
Nëse dikush ka ngarkuar një post dhe ka etiketuar restorantin tend ju duhet ta ndani
atë në faqen tuaj, komentoni dhe falenderojeni për posterin – mbani mend,
kushdo që krijon dhe ngarkon këtë lloj përmbajtjeje është ambasador i markës.
Publikoni artikuj nga website juaj
Për të patur një prezantim sa më serioz të restorantit ju duhet të keni një faqe web-i. Nëse e keni një të tillë krijoni artikuj, pse jo edhe me receta gatimi dhe shpërndajeni linkun në rrjetet sociale. Ndarja e recetave të gatimit me ndjekësit nuk do të ndikojë aspak në uljen e klientëve. Gjithsesi klientët tuaj nuk janë aq profesionistë sa shefi i kuzhinës tuaj.
Merrni pjesë në panaire apo evente të ndryshme
Marrja pjesë në panaire ësht një nga mënyrat për të mësuar risi të reja si edhe për të parë se cfarë bëjnë konkurentët tuaj. Publikojini pjesëmarrjet tuaja. Nëse merrni pjesë në një konkurs gatimi dhe arrini të merrni një cmim ndajeni atë me ndjekësit tuaj.
Tregoni historinë e restorantit tuaj
Ndjekësit tuaj janë kuriozë për të mësuar më shumë rreth jush. Duke iu treguar historinë se si është krijuar restoranti ju mund të bëheni frymëzim për ta. Mund të tregoni se si ka lindur ideja, cfarë iu shtyu të hapnit një restorant…etj.
Këto ishin disa nga idetë që mund t’i përdorni për të rritur imazhin e restorantit tuaj duke përdorur rrjetet sociale.
Mos harroni rregullat e arta – Postoni shpesh, qëndroni pozitivë dhe përgjigjuni të gjithë reagimeve të klientëve në kohën e duhur – është një burim i vlefshëm informacioni. Media sociale është këtu për të qëndruar për një kohë të gjatë, kështu që është koha për të përqafuar përfitimet e saj të shumta.
Nëse dëshironi që menaxhimin e rrjeteve sociale t’ia besoni një profesionisti që suksesi të jetë i garantuar, ne jemi këtu për t’iu ndihmuar.
