Monthly Archives: December 2018

Tani çdo gjë po ecën me shpejtësinë e Instagram-it, dhe markat luksoze nuk mund të bëjnë gjë tjetër përvecse të vazhdojnë me hapin e kohës. Për të qëndruar në kontakt me një grup të ri të konsumatorëve, të cilët nuk dëshirojnë të presin, të cilët lodhen shpejt, të cilët ndihen të ngazëllyer për lajmet e vazhdueshme dhe që përdorin smartfonin e tyre për të bërë blerje dhe për të kërkuar informacion me një klik.

Për të përballuar të ashtuquajturën Marketing Drop, e cila po bëhet një fenomen i vërtetë në fushën e modës, është strategjia e lancimit të produkteve në treg në limited edition të shpallur në momentin e fundit. Dhe rezultati zakonisht është Sold-Out.

Marka Supreme në New York që është markë kulti për veshjet streetwear në bashkëpunim me Riwona, markë luksoze gjermane për canta , krijuan një cantë e cila u shit pas vetëm 16 sekondash nga momenti i publikimit, panvarësisht cmimit të shitjes me pakicë që ishte 1’600 dollare.

Cdo të enjte në mëngjes, një radhë e madhe njerëzish rrinë në rrugën 274  të Lafayette në Big Apple dhe presin hapjen e dyqanit Suprem për të përfituar nje nga produktet sezonale në ofertë por që është në fazën e rënies.

Ne po flasim për integrimin vertikal, një zgjidhje strategjike që po revolucionon rregullat strikte të modës dhe që po fiton edhe markat premium.

Në 12 nëntor ka zbarkuar në 16 butiqe në të gjithë botën, nga Beverly Hills deri në Shanghai aksesori i parë i koleksionit të shumëpritur pranverë 2019 të Celine nënshkruar nga Hedi Slimane.

Bëhet fjalë për një cantë lëkure të cilën e mbajti Lady Gaga disa javë para debutimit të projektuesit, gjatë javës së modës në Paris. Louis Vuitton festoi lancimin e koleksionit te mensëear dizejnuar nga Virgil Abloh me një dyqan pop-up prej 160 metrash në kryeqytetin britanik, në lagjen Myfair.

Këtë vit janë disa marka që e kanë adaptuar drop marketing. Burberry ka eksperimentuar shitjen në rrjetet sociale të koleksionit Ricciardo Tisci në limited edition, i cili ishte në shitje për vetëm 24 orë nga përfundimi i sfilatës në Shtator.

Sigurisht me globalizimin digjiital, kompanitë duhet gjithmonë të përqëndrohen në strategjitë e reja dhe joshëse të përfshirjes të target-grupit, për tu përshtatur me nevojat në ndryshim të konsumatorëve të rinj në epokën e ndryshimeve radikale në industrinë e modës.

Lexo edhe:https://dokadigital.com/2018/12/06/une-jam-nje-biznes-i-vogel-pse-kam-nevoje-per-nje-brand/

Nëse jeni një firmë e vogël ose një tregtar i vetëm ju me siguri nuk e keni menduar ndonjëherë se e keni të nevojshme krijimin e një brand-i. “Firmat e mëdha harxhojnë para për brand-ing, ndërsa kompanitë e vogla përqëndrohen në punë”- kjo është një përgjigje tipike kur bizneseve të vogla iu kërkohet të ndërtojnë një brand për biznesin e tyre.

Por ky perceptim është i gabuar, siç shpjegon Rachel Miller. Edhe nëse është në listën e detyrave tuaja ju përsëri e anashkaloni duke e menduar si jo shumë të rëndësishme.

Pse firmat e vogla kanë nevojë për një brand?

Nëse ju keni një profesion të tillë si avokat, hidraulik, kontabilist apo keni një restorant të vogël ose bar-kafe është e vështirë për t’iu bindur faktit që edhe kompanitë e vogla kanë nevojë për ndërtimin e brand-it. Nëse do të zëvëndësonim fjalën “brand” me fjalën “reputacion” atëherë edhe ju do ta kuptoni më mirë.

Brand-imi është pikërisht përshtypja që biznesi juaj lë tek klientët. Nëse doni të keni sukses, kjo përshtypje duhet të ketë dy pika: duhet të përcjellë atë për të cilën biznesi juaj është i vecantë dhe duhet të përcjellë pozitivitet.

Natyrisht, shumë biznese të vogla bëjnë një përshtypje të mirë shumicën e kohës pa dhënë ndonjëherë një mendim për markën e tyre. Por mendoni se sa i suksesshëm do të ishte biznesi juaj nëse jepni një përshtypje të mirë gjatë gjithë kohës.

Si fillim ju duhet të vendosni se cfarë përfaqëson marka juaj, cilat janë pikat e forta, cfarë keni synim dhe ku e poziciononi ju veten. Pastaj ju duhet të siguroheni që të gjitha aspektet e biznesit tuaj janë në përputhje me këtë. Ka të bëjë me aplikimin e vlerave tuaja në gjithçka që bëni, në mënyrë të qartë dhe në vazhdimësi.

Shpesh na ndodh të shikojmë në rrjetet sociale biznese të vogla të cilat postojnë bidseda të bëra me klientët e tyre ku ata i falenderojnë për produktet apo shërbimet që kanë marrë, apo probleme të cilat iu kanë dhënë zgjidhje përmes këtyre produkteve apo shërbimeve. Të gjitha këto janë hapa të krijimit të një brand-i .

Krijimi i përshtypjes së duhur  

“Shumë pronarë të bizneseve të vogla që takoj, mendojnë se markat janë diçka që vetëm kompanitë e mëdha kanë nevojë ose mund të përballojnë”, thotë Bryony Thomas i Watertight Marketing. “Por emri i kompanisë suaj, mënyra se si i përgjigjeni telefonit, ajo çka thonë klientët tuaj iu kanë bërë pyetje për ju – këto gjëra së bashku krijojnë një përshtypje të kompanisë suaj dhe konceptin se si është të bësh biznes me ju – ky është brand-i juaj.

Kështu që, ose mund të lejoni që çdo përshtypje të ndodhë në mënyrë të rastësishme nga klientët tuaj, ose të mund të merrni kontrollin dhe të menaxhoni atë në avantazhin tuaj. ” Dee Blick, autorja e Powerful Marketing on a Shoestring Budget for Small Businesses, ka punuar me shumë biznese të vogla në brendësinë e tyre. “Ndërtimi i brand-it nuk merr shumë para.
Duhet pasion, kohë dhe ide”, thotë ajo. Nëse ju e neglizhoni markën tuaj, ndikon negativisht në biznesin tuaj, paralajmëron ajo. “Bizneset nuk e posedojnë markën e tyre, ata janë kujdestarë të saj. Perceptimet mund të ndryshojnë shpejt. Markat janë vazhdimisht në zhvillim dhe kanë nevojë për shumë kujdes.”

Nëse keni një biznes atëherë ju keni një brand. Se ku doni të arrini varet nga ju.

Lexo edhe: https://dokadigital.com/2018/11/27/guerilla-marketing-for-christmas/