10 gjëra që duhet të bëni kur zemëroheni në punë

Në aparencë, një kompani mund të gjenerojë fitime, strategji, produkte, inovacione, kapital, investime: të gjitha proceset dhe objektivat e çdo aktiviteti. Por prapa këtyre hapave bazë ka individë në marrëdhënie me njëri-tjetrin që përpiqen të mendojnë, krijojnë, marrin vendime dhe t’i bëjnë gjërat që të ndodhin.
 
Një business bazohet në marrëdhënie. Nuk i referohem marrëdhënieve abstrakte, si ato që kompania ka me blerësit ose burimet njerëzore. Unë flas për marrëdhëniet që njerëzit individualë kanë me njëri-tjetrin gjatë kohës që bëjnë punën e tyre. Marrëdhëniet njerëzore, midis dy individëve dhe brenda një grupi, janë për nga natyra në mënyrë të pashmangshme të lidhura me emocionet dhe historinë personale, me temperamentin dhe nevojat e çdo individi të përfshirë. Sa më shumë mjedisi është nën presion, aq më intensiv do të jenë reagimet emocionale.
 
Pikërisht për këtë, gjithmonë do të ketë momente në punë ku do t’ju qëllojë të zemëroheni (madje edhe shumë). Të kanë mohuar një promovim. Dikush tjetër është lavduar për punën që realisht keni kryer ju. Ju kanë vjedhur idetë. Ju kanë premtuar diçka që më pas nuk është mbajtur. Dikush që ti e vlerësove doli të ishte ndryshe nga mënyra se si e imagjinonit atë.
 
Dhe në mënyrë të pashmangshme do të zemërohesh edhe për një arsye tjetër: mënyrën se si mendjet tona funksionojnë. Shpesh (dhe pa vetëdije) shkarkojmë një ndjenjë nga një sferë e jetës sonë në tjetrën. Pra, nëse jeni shumë të mërzitur për diçka në jetën tuaj personale, ju përfundoni duke u zemëruar në zyrë për diçka që ndryshe nuk do të kishte shkaktuar një reagim kaq të fortë. Për fat të mirë, ka një numër masash paraprake për të marrë kur zemërohesh në vendin e punës. Dhe, ndoshta edhe më e rëndësishmja, disa veprime duhet të shmangen.
1.Menaxhoni fillimisht ekuilibrin tuaj trup / mendje. Mos merrni frymë thellë një herë, por bëjeni tre herë. Thith ajrin ngadalë duke numëruar deri në pesë dhe nxirre ngadalë duke skanuar numrat deri në shtatë. Ju do të habiteni se sa shpejt do të ndjeheni ndryshe. Pini një gotë me ujë dhe ha dicka të vogël. Braktisni vendin fizik ku jeni (ideale do të ishte të dilni jashtë dhe të vëzhgoni diçka që nuk ka lidhje me punën: lulet, tabelat, fytyrat e njerëzve);
 
2. Ndaj ndjenjat nga veprimet. Ju jeni të zemëruar, dhe kjo është një emocion. Ajo që ju bëni megjithatë është një veprim, dhe kjo kërkon planifikim dhe strategji. Psikologjia shpesh këshillon të mos shtypni ndjenjat tona. Në të vërtetë, nuk është gjithmonë zgjedhja e duhur: bëjeni vetëm kur nuk është kundërproduktive dhe kur intensiteti i zemërimit do të zvogëlohet;
 
3. Mos u përballni me personin që ju ka zemëruar pa refklektuar për një kohë të gjatë në lidhje me pasojat e mundshme (dmth mbi atë që shpresoni të arrini dhe çfarë mund të humbni duke u sjellur si ju mendoni se jeni);
 
4. Kaloni pak më shumë kohë duke menduar se çfarë tjetër mund të ketë zmadhuar reagimin tuaj. A jeni të zemëruar për diçka që ju ka ndodhur në shtëpi? Sjellja e personit me të cilin jeni i zemëruar ju kujton dikë nga e kaluara juaj?
 
5. Mendoni se çfarë mund të keni bërë që u gjendët në këtë gjëndje. Jeni të qetë në situata diskutimesh në grupe? Bëni pyetjen e asaj që doni te dinit apo të arrinit, apo thjesht prisni derisa dikush tjetër t’a bëjë në vëndin tuaj?
6. Asnjëherë mos shkruaj një email dikujt në lidhje rreth situatës tuaj, të paktën për 24 orët e para;
7. Jini shumë i kujdesshëm kur ankoheni për kolegët tuaj;
8. Mundohuni të krijoni një histori rreth asaj që ndodhi në kokën tuaj. Shkoni aq thellë sa mundeni, deri në fillim të eventit që shkaktojë shpërthimin tuaj të zemërimit. Pastaj përpiquni të imagjinoni lëvizjen tjetër. Nëse ju mund t’a përputhni me përmbajtjen e një filmi ose një programi televiziv, fantastike: është e rrallë të gjesh një dramë njerëzore krejtësisht të ndryshme nga të tjerët. Njerëzit zemërohen që në krijimin e tyre. Kjo do t’ju bëjë të ndiheni më pak të vetmuar dhe do të qetësoheni;
9. Kthehu në punë. Çfarëdo qoftë aktiviteti në fjalë. Sa më intensive është zemërimi juaj, aq më konkrete duhet të jetë puna në të cilën përqendroheni. Përsërisni listën tuaj të detyrave, organizoni shënimet tuaja, sistemoni tavolinën tuaj, sistemoni postën elektronike. Kur të qetësoheni, mund të përballeni me një punë më sfiduese: për shembull një projekt të ri;
10. Merrni hak. Nuk po qesh. Por hakmarrja është një pjatë që duhet shërbyer e ftohtë dhe duhet të jeni të kujdesshëm. Nëse jeni keqtrajtuar, injoruar ose poshtëruar, mendoni për planin më të mirë për të ndrequr të keqen. Mos harroni fjalët e mençura të poetit George Herbert: “Të jetosh mirë është hakmarrja më e mirë”.
Lexo edhe: Çmenduri, guxim, planifikim: kjo është mënyra se si të arrish suksesin
 
Ju do të keni vënë re se shumë nga këto dhjetë sugjerime nënkuptojnë këshilla mbi arsyetimin. Nuk është një rastësi. Zemërimi juaj është një emocion i fortë. Të gjithë kemi ndjenja të forta. Të ndjehesh mirë në vendin e punës gjithashtu do të thotë të kesh vetëkontroll dhe disiplinë. Kjo përkthehet në të mendosh përpara se të veprosh dhe të veprosh vetëm kur shpirti yt i nxehtë është qetësuar.